កំពូលខ្សែប្រយុទ្ធស្លាប Cristiano Ronaldo ​បានក្លាយជាកីឡាករបាល់ទាត់បុរសទី១ដែលបង្ហាញខ្លួនសម្រាប់ក្រុមជម្រើសជាតិបានសរុបចំនួន២០០ប្រកួត ក្នុងកំលុង ព្រឹត្តការណ៍បាល់ទាត់ Euro ២០២៤ ស្របពេលកីឡាករវ័យ៣៨ឆ្នាំមានឪកាសរកបានគ្រាប់បាល់ជ័យជំនះយ៉ាងប្រផិតប្រផើយលើក្រុមអ៊ីស្លង់ក្នុងលទ្ធផល១ ទល់និង ០។
គួរបញ្ជាក់ថាគ្រាប់បាល់នៅនាទីទី ៨៩ ត្រូវបានចាត់ទុកថាមិនយកជាផ្លុវការណ៍ ក្រោយរកឃើញថា Inacio ស្ថិតក្នុងតំបន់ offside ប៉ុន្តែ​ទីបំផុតលោក​អាជ្ញាកណ្តាល​បានសម្រេចផ្តល់អោយក្រោយពិនិត្យលើវីដេអូ​ជំនួយការ​អាជ្ញាកណ្តាល(VAR)​។

គួរបញ្ជាក់ថានោះ​ជា​គ្រាប់​បាល់​អន្តរជាតិ​លើកទី ១២៣ របស់ Ronaldo លើឆាកអន្តរជាតិសម្រាប់ក្រុមជម្រើសជាតិ ខណៈខ្សែប្រយុទ្ធក្រុមAl-Nassr បានបំបែកកំណត់ត្រាស៊ុតបញ្ចូលទី ១៩៦ គ្រាប់របស់ខ្សែប្រយុទ្ធគុយវ៉ែត Bader Al-Mutawa កាលពីខែមីនា។ ជាមួយគ្នានេះផងដែរវីរបុសក្រុម Real Madrid ​ត្រូវបានផ្តល់វិញ្ញាបនបត្រដោយសៀវភៅកំណត់ត្រាពិភពលោក Guinness World Records មុនពេលចាប់ផ្តើមការប្រកួតនោះផងដែរ។

ម្ចាស់ពានបាល់មាស៥សម័យ(៥ Ballon D’or) បានលើកឡើងយ៉ាងដូច្នេះថាៈ​ សម្រាប់​ខ្ញុំ វា​ជា​សមិទ្ធផល​មិន​គួរ​ឱ្យ​ជឿ វា​អស្ចារ្យ​ណាស់​»​។ “ហើយ​ជា​ការ​ពិត​ណាស់​ដើម្បី​រក​គ្រាប់​បាល់​ឈ្នះ វា​កាន់​តែ​ពិសេស។យើងលេងមិនបានល្អទេ ប៉ុន្តែពេលខ្លះបាល់ទាត់គឺបែបនោះ ប៉ុន្តែយើងស៊ុតបានមួយគ្រាប់ ហើយតាមគំនិតរបស់ខ្ញុំ យើងសមនឹង​ទទួលបានវា។ ខ្ញុំសប្បាយចិត្តណាស់ដោយយើងរកបាន ២០០គ្រាប់។