(ភ្នំពេញ)៖ ការប្រកួតកីឡាបាល់បោះជិះរទេះជនពិការ នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នឹងត្រូវចាប់ផ្ដើមការប្រកួត នៅថ្ងៃទី០២ ខែមិថុនា ឆ្នាំ២០២៣ នេះហើយ នៅមជ្ឈមណ្ឌលកីឡាក្នុងសាល(សាលដំរី) នៃពហុកីឡដ្ឋានជាតិមរតកតេជោ សម្រាប់វិញ្ញាសា ៣នាក់ ទល់ ៣នាក់ ទាំងផ្នែកបុរស និងនារី ខណៈក្រុមកីឡាការិនីកម្ពុជា ត្រូវការពារតំណែងមេដាយមាសរបស់ខ្លួនលើវិញ្ញាសានេះ ។
សម្រាប់វិញ្ញាសា ៣នាក់ ទល់ ៣នាក់ ចំពោះផ្នែកបាល់បោះជិះរទេះបុរស គឺមានបេក្ខភាព ៥ក្រុមប្រទេសចូលរួម គឺមានថៃ ឥណ្ឌូនេស៊ី ម៉ាឡេស៊ី ហ្វីលីពីន និងម្ចាស់ផ្ទះកម្ពុជា គ្រាដែលផ្នែកនារី មានបេក្ខភាព ៤ប្រទេសចូលរួម គឺមានថៃ ឡាវ ហ្វីលីពីន និងម្ចាស់ផ្ទះកម្ពុជា ។
ចំពោះរូបមន្ដប្រកួត ទាំងផ្នែកបុរស និងនារី គឺត្រូវធ្វើការប្រកួតសន្សំពិន្ទុវិលជុំ បន្ទាប់មកក្រុមមានពិន្ទុខ្ពស់ជាងគេ ២ក្រុម គឺក្រុមឈរលេខ១ និងលេខ២ ត្រូវជួបគ្នានៅវគ្គផ្ដាច់ព្រ័ត្រ ដើម្បីដណ្ដើមមេដាយមាស ខណៈក្រុមលេខ៣ និងលេខ៤ ត្រូវជួបគ្នា ដើម្បីដណ្ដើមមេដាយសំរឹទ្ធ ។
គួរដឹងថា កាលពីកីឡាអាស៊ានប៉ារ៉ាហ្គេម លើកទី១១ ឆ្នាំ២០២២ នៅឥណ្ឌូនេស៊ី ក្រុមបាល់បោះជិះរទេះនារីកម្ពុជា គឺដណ្ដើមបានមេដាយមាស បន្ទាប់ពីទទួលបានជ័យជម្នះ ៤ប្រកួតជាប់ៗគ្នា ក្នុងនោះវគ្គសន្សំពិន្ទុ បានយកឈ្នះឡាវ ១១-៥ពិន្ទុ, ឈ្នះថៃ ៩-៨ពិន្ទុ និងឈ្នះហ្វីលីពីន ១៨-០ពិន្ទុ មុនប្រកួតវគ្គផ្ដាច់ព្រ័ត្រ កម្ពុជា បានបន្តយកឈ្នះក្រុមថៃ ៧-៥ពិន្ទុ ។
តាមការគ្រោងទុក ការប្រកួតវិញ្ញាសា ៣នាក់ ទល់ ៣នាក់ ទាំងផ្នែកបុរស និងនារី នេះ ប្រើពេលតែ ២ថ្ងៃប៉ុណ្ណោះ ដើម្បីកំណត់ក្រុមជយលាភី ពោលគឺនៅថ្ងៃទី០២-០៣ ខែមិថុនានេះ ។ បន្ទាប់មកនឹងបន្ដការប្រកួតវិញ្ញាក្រុម ៥នាក់ ទល់ ៥នាក់ម្ដង ដែលបេក្ខភាពចូលរួម ទាំងផ្នែកបុរស និងនារី ដូចគ្នា ចាប់ពីថ្ងៃទី០៤-០៧ ខែមិថុនា ឆ្នាំ២០២៣ នៅមជ្ឈមណ្ឌលកីឡាក្នុងសាល នៃពហុកីឡដ្ឋានជាតិមរតកតេជោតែមួយគត់ ៕
ការប្រកួតពានរង្វាន់ក្របខណ្ឌ Premier League និងត្រូវកឃើញយ៉ាងច្បាស់នៅថ្ងៃអាទិត្យទី១៩ ឧសភាដែលជាថ្ងៃចុងក្រោយនៃសប្តាហ៏ទី៣៨ ថារវាងក្រុមនាំមុខតារាង Man. City និង គូប្រជែងដ៏កៀកកិតនោះគឺកាំភ្លើងធំ ។មានន័យថាការប្រកួតប្រជែងពាននេះគឺជាលើកទី៣ហើយដែលមិនទាន់រកឃើញក្រុមឈ្នះជើងឯកគិតចាប់តាំងពីឆ្នាំ២០១២មក ខណៈម្ចាស់ជើងឯក ឆ្នាំ២០២០ គឺក្រុមលេខ៣ Liverpool បានធ្លាក់ចេញពីការប្រកួតប្រជែងទៅហើយនោះ។សម្រាប់ Man. City ប្រសិនអាចយកឈ្នះភ្ញៀវ West Ham និងនាំអោយ Man .City អាចបំបែកកំណត់ត្រាឈ្នះពានរយៈពេលបួនឆ្នាំជាប់គ្នាតែម្តង។ ប៉ុន្តែប្រសិនពួកគេខកខាន ហើយ Arsenal យកឈ្នះ Everton នោះក្រុមកាំភ្លើងធំនឹងលើកពានជាលើកដំបូងក្នុងរយៈពេលពីរទសវត្សរ៍។អត្ថបទកំពុងចាប់អារម្មណ៍៖ ពាន Premier League និងរៀបចំបែបណាសម្រាប់ក្រុមដែលត្រៀមឈ្នះនៅកន្លែង២ផ្សេងគ្នាបែបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មើលឃើញដូច្នេះហើយទើបគណកម្មការនិងសហព័ន្ធបាល់ទាត់អង់គ្លេសបានរៀបចំពាន២សម្រាប់ការប្រកួតនៅទឹកដី Etihad Stadium និង Emirates Stadium សម្រាប់ករណីពិសេសនេះ ព្រោះដើម្បីជៀសវាងការចំណាយពេលដើម្បីប្រើប្រាស់ឧទ្ធម្ភាគចក្រនៅថ្ងៃចុងក្រោយដើម្បីដឹកជញ្ជូនចេញពីកីឡដ្ឋាន ណាមួយនោះក្នុងករណីពួកគេខកខានហើយក្រុមម្ខាងទៀតឈ្នះពាន ខណៈការប្រកួតគឺត្រូវចាប់ផ្តើមប្រកួតនៅវេលាម៉ោង ១០យប់ ហើយចំនួន ១០គូ តែម្តង។ […]