បរទេស៖ Ruben Neves ត្រូវបានរំងឹងថា នឹងក្លាយជាកីឡាករដ៏ឆ្នើមពីទ្វីអឺរ៉ុបម្នាក់ទៀតក្នុងការផ្ទេរទៅកាន់លីគអារាប់ Saudi Pro League បន្ទាប់ពីក្លឹប Al Hilal បានយល់ព្រមលើតម្លៃខ្លួនសម្រាប់ខ្សែបម្រើរូបនេះ។ Lionel Messi បានបដិសេធឱកាសផ្លាស់ទៅកាន់ Al Hilal មុនពេលដែលគាត់ជ្រើសរើស MLS ដែលនាំឱ្យ Neymar ក្លាយជាគោលដៅរបស់ពួកគេបន្ទាប់។ ខណៈក្រោយមក Luka Modric គឺជាកីឡាករចុងក្រោយដែលបានបដិសេធពួកគេ ។ ទោះបីជាយ៉ាងណាក៏ដោយ វាហាក់ដូចជាបានផ្លាស់ប្តូរជាមួយនឹងរបាយការណ៍របស់ Athletic ដែលថា Al Hilal បានយល់ព្រមលើតម្លៃខ្លួន 47 លានផោនសម្រាប់តារាឆ្នើមរបស់ Wolverhampton Wanderers Neves ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ខ្សែបម្រើសញ្ជាតិព័រទុយហ្គាល់រូបនេះធ្លាប់ផ្សារភ្ជាប់យ៉ាងខ្លាំងជាមួយក្រុម Manchester United, Liverpool និង Barcelona នាពេលកន្លងមក ប៉ុន្តែឥឡូវនេះទំនងជានឹងធ្វើដំណើរទៅកាន់ប្រទេសអារ៉ាប៊ីសាអូឌីត។