បរទេស៖ Mohamed Salah ចង់ចាកចេញពី Liverpool ចំពេលមានការចាប់អារម្មណ៍ពីក្រុម Al-Ittihad របស់ Saudi Arabia League ។ Salah ត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ប្រទេសអារ៉ាប៊ីសាអូឌីតពេញមួយរដូវក្តៅនេះ ខណៈដែលក្លឹបជាច្រើននៅអារ៉ាប់កំពុងសម្លឹងមើលការនាំយកកីឡាករល្បីៗជាច្រើនមករួមក្រុម ដោយការផ្តល់នូវតម្លៃប្រាក់ឈ្នួលដល់ច្រើនសន្ធឹកសន្ធាប់ ។ យ៉ាងណាមិញបើយោងតាមការបោះពុម្ភផ្សាយរបស់អេស្ប៉ាញ Relevo បានអះអាងថា តារាឆ្នើម Liverpool ចង់ចាកចេញពីក្លឹបដោយនឹងទទួលបានប្រាក់ឈ្នួលច្រើនជាងគេបំផុតនៅក្នុងលីក Saudi Pro League។ អ្នកតំណាងរបស់ក្លឹប Al-Ittihad បានជួបជាមួយអ្នកតំណាងរបស់ Salah ហើយនឹងផ្តល់ប្រាក់ឈ្នួលឱ្យកីឡាករអេហ្ស៊ីបរូបនេះខ្ពស់ជាង Cristiano Ronaldo នៅ Al-Nassr ។