កាលពីល្ងាចថ្ងៃទី ៥ ខែមិថុនា ឆ្នាំ ២០២៣ កន្លងទៅ កីឡាការិនីអត្តពលកម្មពិការឆ្នើម វ៉ិត ចន្ថា បានដណ្ដើមបានមេដាយមាសមួយគ្រឿងទៀតហើយ លើវិញ្ញាសារត់ចម្ងាយ ៤០០ ម៉ែត្រ ក្នុងព្រឹត្តិការណ៍កីឡាជនពិការអាស៊ីអាគ្នេយ៍ ឬ អាស៊ានប៉ារ៉ាហ្គេម លើកទី ១២ នៅពហុកីឡដ្ឋានជាតិមរតកតេជោ ដោយប្រើរយៈពេល ១:១២:៦៩។
នេះគឺជាមេដាយមាសទី ២ ដែលកីឡាការិនីឆ្នើម វ៉ិត ចន្ថា អាយុ ៤០ ឆ្នាំ បានឈ្នះក្នុងព្រឹត្តិការណ៍អាស៊ានប៉ារ៉ាហ្គេម លើកទី ១២ នៅប្រទេសកម្ពុជា ដោយកាលពីថ្ងៃទី ៤ ខែមិថុនា ឆ្នាំ ២០២៣ កន្លងទៅកីឡាការិនីរូបនេះ បានដណ្ដើមបានមេដាយមាសទី ១ ពីវិញ្ញាសាលោតចម្ងាយ ដែលលោតបាន ៣.៩៩៩ ម៉ែត្រ។
ក្រោយពីរកបានមេដាយមាសចំនួន ២ គ្រឿង ជូនជាតិរួចហើយ ក្នុងបណ្ដាញសង្គមទាំងក្នុងហ្វេសប៊ុក និង ក្នុង TikTok ហាក់មានការចាប់អារម្មណ៍ និង បង្ហាញភាពរំជួលចិត្តជាខ្លាំង ក្រោយពីឃើញទិដ្ឋភាពកីឡាការិនីឆ្នើម វ៉ិត ចន្ថា បានលុតជង្គង់ថ្វាយបង្គំម្ដាយដោយក្ដីរំភើប ក្រោយទទួលបានជ័យជំនះជូនដល់ជាតិ។
ជាមួយគ្នានេះដែរ កីឡាការិនីឆ្នើម វ៉ិត ចន្ថា បានបន្ថែមទៀតថា ៖ «ពេលទទួលបានមេដាយមាសនេះហើយ ខ្ញុំបំពាក់ជូនម្តាយរបស់ខ្ញុំមុនគេ។ គេតែងតែហៅខ្ញុំថាវីរកីឡាការិនី ប៉ុន្តែវីរកីឡាការិនីពិតប្រាកដគឺជាម្តាយរបស់ខ្ញុំ ដែលគាត់តែងតែតស៊ូចិញ្ចឹមកូន លះបង់ញើសស្រស់ឈាមស្រស់ ដើម្បីចម្លងកូនឱ្យឆ្លងផុតភាពក្រីក្រ និង ការលំបាកទាំងឡាយក្នុងជីវិត។ ភាពក្រីក្រនេះហើយ ដែលបណ្តុះស្មារតីជីវិតខ្លួនឯងឱ្យពុះពាររហូតដល់ចូលប្រកួតក្នុងវិស័យកីឡាទទួលបានជោគជ័យ និង ដណ្តើមបានសមិទ្ធផលជូនជាតិ»។
គួរបញ្ជាក់ដែរថា ទោះបីជា វ៉ិត ចន្ថា ដណ្តើមបានមេដាយមាស ២ គ្រឿងជូនជាតិក្នុងនាមជាម្ចាស់ផ្ទះហើយក្តី ប៉ុន្តែកីឡាការិនីវ័យ ៤០ ឆ្នាំរូបនេះ នៅសល់មួយវិញ្ញាសាទៀត គឺរត់ចម្ងាយ ២០០ ម៉ែត្រ៕
ខ្សែបម្រើស្លាបរបស់ Athletic Bilbao កីឡាករ Nico Williams បានយល់ព្រមលើលក្ខខណ្ឌផ្ទាល់ខ្លួនលើកិច្ចសន្យារយៈពេល 6 ឆ្នាំជាមួយក្លឹប Barcelona រួចរាល់ហើយនេះបើយោងតាមប្រភពពីបណ្តាញសារពត៌មាននៅក្នុងប្រទេសអេស្បាញបានចុះផ្សាយ។សមាជិកជ័យលាភី Euro 2024 Williams បានបង្ហាញក្តីអស់សង្ឃឹមក្នុងការចូលរួមជាមួយគូប្រជែង LaLiga របស់ពួកគេពីក្លឹបអាណាព្យាបាលAt.Bilbao នៅរដូវក្តៅនេះ បន្ទាប់ពីខកខានកិច្ចព្រមព្រៀងកាលពីឆ្នាំមុន។យោងតាមអ្នកជំនាញការផ្ទេរកីឡាករសញ្ជាតិអ៊ីតាលីលោក Fabrizio Romano បានបញ្ជាក់ថាខ្សែបម្រើស្លាបឆ្វេងសញ្ជាតិអេស្ប៉ាញរូបនេះបានយល់ព្រមលើប្រាក់ខែរបស់គាត់ជាមួយ Barca និងលក្ខណ្ឌផ្សេងៗផងដែរ ។អត្ថបទកំពុងចាប់អារម្មណ៍៖ មិនមែន Bayern រឺ Arsenal ! Nico Williams សម្រេចចិត្តចូលរួមជាមួយក្លឹបមួយនេះជំនួសវិញ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស នៅក្នុងអត្ថបទចុះផ្សាយនោះលោក Romano បានសរសេរនៅលើបណ្តញទំនាក់ទំនង X កាលពីថ្ងៃព្រហស្បតិ៍យ៉ាងដូច្នេះថា Nico Williams និង Barça បានយល់ព្រមលើលក្ខខណ្ឌផ្ទាល់ខ្លួនជាមួយកិច្ចសន្យា 6 ឆ្នាំ ជាមួយសុពលភាពកិច្ចសន្យារហូតដល់ខែមិថុនា ឆ្នាំ 2031 ជាមួយនឹងប្រាក់ឈ្នួលពលកម្មចន្លោះពី […]
