បរទេស៖ តារាបាល់ទាត់ជើងខ្លាំងកីឡាករ Cristiano Ronaldo ជឿជាក់ថា Saudi Pro League មានសក្ដានុពលក្នុងការក្លាយជាលីគល្អបំផុតទីប្រាំក្នុងពិភពលោកនាពេលអនាគត។ ការផ្ទេរកីឡាករឆ្នើមសញ្ជាតិ Portugal កីឡាករ Cristiano Ronaldo ទៅកាន់ Al-Nassr ក្នុងខែមករាកន្លងមកនេះ បានធ្វើឱ្យមានការចាប់អារម្មណ៍កាន់តែខ្លាំង ចំពោះកីឡាបាល់ទាត់នៅក្នុងប្រទេសអារ៉ាប៊ីសាអូឌីត។ កីឡាករបាល់ទាត់កំពូលៗជាច្រើនទៀតត្រូវបានគេរំពឹងថា អាចនឹងមកប្រកបអាជីពបាល់ទាត់នៅលីគនេះកាន់តែច្រើនឡើង ដែលជាហេតុធ្វើឲ្យលីគមួយនេះមានការប្រកួតប្រជែងខ្លាំងជាងមុន ហើយនឹងអភិវឌ្ឍន៍យ៉ាងឆាប់រហ័ស។ Saudi Pro League គឺជាលីគចុងក្រោយបំផុតក្នុងការប្រមូលប្រាក់បានយ៉ាងច្រើន ដើម្បីប្រជែងយកតារាបាល់ទាត់កំពូលៗមកពីជុំវិញពិភពលោក ក្នុងកិច្ចខិតខំប្រឹងប្រែងដើម្បីបង្កើនមុខមាត់របស់ខ្លួន តាមគំរូថ្មីៗដែលកំណត់ដោយប្រទេសកាតា និងប្រទេសចិន៕
.jpg?format=pjpg&auto=webp&width=3840&quality=60)
