គ្រូបង្វឹកក្រុម Manchester United លោក Erik ten Hag បានបើកចិត្តលើទម្រង់លេងរបស់ Alejandro Garnacho ដោយកីឡាករវ័យជំទង់រូបនេះបានដើរតួយ៉ាងសំខាន់សម្រាប់ក្រុមបិសាចក្រហមក្នុងរយៈពេលប៉ុន្មានខែក្រោយនេះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

Garnacho បានចូលរួមនៅក្នុងការប្រកួត Premier League 10 ចុងក្រោយរបស់ Man United ហើយគាត់បានស្ថិតក្នុងជម្រើសដំបូងក្នុងការប្រកួតជាមួយ Leeds United នៅយប់ថ្ងៃពុធ។ ប៉ុន្តែរូបគេហាក់បីមិនសូវជាបង្ហាញទម្រង់លេងបានល្អឡើយ ដែលជាហេតុធ្វើឲ្យមានការរឹះគន់លើរូបគេជាខ្លាំង។ យ៉ាងណាមិញលោក Ten Hag បានចេញមកការពាររូបគេថា: “ខ្ញុំគិតថាគាត់ធ្វើបានល្អ គាត់កំពុងមានឥទ្ធិពលល្អ។ ខ្ញុំគិតថា គាត់មានសកម្មភាពល្អ គាត់មានភាពរស់រវើក គាត់បានបង្កើតឱកាសដ៏អស្ចារ្យ ប៉ុន្តែគាត់ត្រូវតែពង្រឹងការស៊ុតបញ្ចូលទីថែមទៀត”