(ព្រុចសែល)៖ ខ្សែបម្រើ N’Golo Kante វ័យ៣២ឆ្នាំ នឹងបន្តតំណែងពីលោក Flavio Becca ចាប់ពីថ្ងៃទី០១ ខែកក្កដា ឆ្នាំ២០២៣ ក្នុងនាមជាម្ចាស់ក្លិប Royal Excelsior Virton ដែលលេងនៅលីគលំដាប់ទី៣ របស់ប្រទេសបែលហ្ស៊ិក បន្ទាប់ពីបានទិញក្លិបនេះ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី៣០ ខែមិថុនា ឆ្នាំ២០២៣។

វាគឺជាពេលវេលាតែមួយ ដែលលោកនឹងចូលរួមជាមួយក្លិបអារ៉ាប៊ីសាអូឌីត Al-Ittihad ដែលលេងនៅលីគ Saudi Arabia Pro League ក្រោយចាកចេញពីក្លិប Chelsea។ មិនមានព័ត៌មានលម្អិតណាមួយ ត្រូវបានចេញផ្សាយថាតើកីឡាករ Kante បានចំណាយប្រាក់ប៉ុន្មាននោះទេ ដើម្បីទិញក្លិប Royal Excelsior Virton នេះ។ ​ក្លិបបានឲ្យដឹងថា ពួកគេមិនមានបំណុលនោះទេ ហើយក្រុមប្រឹក្សាភិបាលក្លិបនឹងត្រូវបានរៀបចំឡើង ក្នុងរយៈពេលប៉ុន្មានថ្ងៃខាងមុខ៕