(អង់គ្លេស)៖ បើតាមព័ត៌មានចុះផ្សាយថ្ងៃនេះ បានឲ្យដឹងថា ខ្សែប្រយុទ្ធឆ្នើមរបស់បិសាចក្រហម Manchester United គឺកីឡាករ Marcus Rashford បានយល់ព្រមបន្តកុងត្រាថ្មីជាមួយក្លឹប ដែលមានតម្លៃខ្លួនរហូតដល់ទៅ ១០០លានផោន។ កីឡាករវ័យ ២៥ឆ្នាំរូបនេះ បានបន្តអាជីពរបស់គាត់ក្រោមការដឹកនាំរបស់អ្នកចាត់ការលោក Erik ten Hag ហើយបានរួមចំណែកក្នុងការរកគ្រាប់បាន ៣០គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទីបាន ១១ដង ក្នុង ៥៦ប្រកួត នៅគ្រប់ការប្រកួតទាំងអស់ក្នុងរដូវកាល ២០២២-២០២៣ ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
Rashford បានរួមរស់នៅជាមួយបិសាចក្រហមតាំងពីខ្លួនមានអាយុប្រាំពីរឆ្នាំរហូតមកដល់បច្ចុប្បន្ន ហើយកិច្ចសន្យាចាស់របស់កីឡាកររូបនេះ នឹងផុតកំណត់នៅឆ្នាំ ២០២៤ ខាងមុខ ក្រោមការយល់ព្រមបន្តកិច្ចសន្យាថ្មីជាមួយក្លឹប ហើយកិច្ចព្រមព្រៀងថ្មីនេះ មានរយៈពេល ៥ឆ្នាំជាមួយនឹងជម្រើសមួយឆ្នាំទៀត ហើយនឹងមានប្រាក់ឈ្នួលលើសអ្នកចាំទី David de Gea ដែលជាអ្នករកចំណូលបានច្រើនជាងគេរបស់ក្លឹបផងដែរ។ ប្រាក់ឈ្នួលបច្ចុប្បន្នរបស់ Rashford ប្រចាំសប្តាហ៍មានចំនួន ២០០,០០០ផោន ប៉ុន្តែក្រោមកិច្ចសន្យាថ្មី ប្រាក់ឈ្នួលរបស់កីឡាកររូបនេះកើនឡើងដល់ ៣៧៥,០០០ផោន ក្នុងមួយសប្តាហ៍ ដែលច្រើនជាងគេបំផុតនាពេលបច្ចុប្បន្ននៅបិសាចក្រហម៕
ក្រុមបិសាចក្រហម Manchester United បានទទួលរងបរាជ័យក្រោមថ្វីជើងក្រុម Nottingham Forest ក្នុងកីឡដ្ឋាន City Ground ដោយលទ្ធផល ១-0 ក្នុងក្របខណ្ឌ Premier League ។ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស អតីតកិឡាកររបស់ក្រុម Manchester United គឺ Anthony Elanga ជាម្ចាស់គ្រាប់បាល់ដែលកើតឡើងតាំងពីដើមការប្រកួត ដែលនេះជាជ័យជម្នះរបស់ក្រុម Nottingham ជាលើកទី២ហើយនៅក្នុងរដូវកាលនេះទល់នឹងក្រុម Man utd នៅក្នុងក្របខណ្ឌ Premier League។ ទោះបីជាក្រុម Man Utd ជាក្រុមដែលមានប្រៀមជាងដោយការទាត់បាល់ចំគោលដៅសរុប ២៤លើកឯណៅះ ដែលនេះបានធ្វើឲ្យពួកគេក្លាយជាក្រុមដំបូងគេដែលទាត់ទៅលើគូប្រកួតក្រៅផ្ទះច្រើនជាងគេ ហើយមិនអាចរកគ្រាប់បាល់ បើគិតចាប់តាំងពីឆ្នាំ ២០០៤មក៕
