បរទេស៖ លោក Mike Keegan នៅ Daily Mail បានរាយការណ៍ថា ក្រុម Glazer នៅសម្រេចចិត្តជ្រើរើសការដេញនៅក្នុងសប្តាហ៍រវាងមហារសេដ្ឋីកាតា Sheikh Jassim និងមហារសេដ្ឋីអង់គ្លេសលោក Sir Jim Ratcliffe ។ របាយការណ៍ត្រូវបានគេអះអាងថា អ្នកខាងក្នុងមកពីគណៈប្រតិភូរបស់ Sheikh Jassim ថា ‘ឥឡូវនេះមានអារម្មណ៍ថា ពួកគេបាននាំមុខនៅក្នុងហ្គេមមួយនេះ’ ខណៈដែលដំណើរការនៃការកាន់កាប់ហាក់ដូចជាកំពុងឈានចូលដំណាក់កាលបន្ទាប់របស់វា។
លើសពីនេះ របាយការណ៍បន្ថែមថា ទន្ទឹមនឹងការពិភាក្សារបស់ Ratcliffe ‘មានការទម្លាយរឿងមួយជាមួយគូប្រជែងរបស់ពួកគេ’ ។ មានការព្រួយបារម្ភនៅ Old Trafford ដោយការរៀបចំក្រុមរបស់លោក Erik ten Hag អាចត្រូវបានប៉ះពាល់ ប្រសិនបើការកាន់កាប់មិនត្រូវបានបញ្ចប់មុនទីផ្សារដែលនឹងបើកក្នុងរយៈពេលបីថ្ងៃខាងមុខនេះ។ ប្រភព The Athletic បានរាយការណ៍ថា បុរសហូឡង់នឹងមានថវិកាផ្ទេរចំនួន 100 លានផោន ប៉ុណ្ណោះ ទោះបីជាការកាន់កាប់របស់ម្ចាស់ក្លឹបថ្មីក៏ដោយ ប្រោះដោយសារតែច្បាប់ Financial Fair Play (FFP) ។
