(អង់គ្លេស)៖ ខ្សែបម្រើស្លាបរបស់បិសាចក្រហម Manchester United កីឡាករ Antony បានអះអាងថា គាត់ត្រូវបាន «ចោទប្រកាន់មិនពិត» ពីអំពើហិង្សាទៅលើអតីតមិត្តស្រី Gabriela Cavallin ។ បើយោងទៅតាមសារព័ត៌មានប្រេស៊ីល Globo Esporte បានឲ្យដឹងថា Cavallin បានដាក់បណ្តឹងចោទប្រកាន់កីឡាករបិសាចក្រហមរូបនេះអំពី «អំពើហិង្សាក្នុងគ្រួសារ ការគំរាមកំហែង និងធ្វើឲ្យមានស្លាកស្នាមរាងកាយ» ដោយនាងបានអះអាងថា Antony បានវាយធ្វើបាបនាងកាលពីថ្ងៃទី ២០ឧសភា ឆ្នាំ២០២៣ ជាថ្ងៃដែលកីឡាករប្រេស៊ីលរូបនេះលេងឲ្យ Man United ទល់នឹងក្រុម AFC Bournemouth។ មិនត្រឹមតែប៉ុណ្ណោះអតីតមិត្តស្រីរបស់ Antony បានអះអាងទៀតថា «Antony បានគំរាមសម្លាប់នាង» ។
គួរបញ្ជាក់ផងដែរថា Antony បានបង្ហោះសារបដិសេធនៅលើ Instagram របស់ខ្លួនថា៖
«ខ្ញុំបាននៅស្ងៀមរហូតមកដល់ពេលនេះ ដើម្បីកុំឲ្យរំខានដល់ដំណើរការស៊ើបអង្កេតនោះ ប៉ុន្តែក្នុងអំឡុងពេលនោះ គ្រួសារខ្ញុំ និងខ្ញុំត្រឹមតែនៅក្នុងភាពស្ងៀមស្ងាត់។ ទោះបីជាកើត និងធំធាត់ឡើងនៅក្នុងសហគមន៍ដែលខ្វះខាតខ្លាំងក៏ដោយ ខ្ញុំមិនដែលឆ្លងកាត់ស្ថានភាពស្រដៀងគ្នានេះទេ ដែលការចោទប្រកាន់ពីបទរំលោភបំពានបានបណ្តាលឱ្យមានការវិនិច្ឆ័យជាសាធារណៈ និងអយុត្តិធម៌សម្រាប់ខ្ញុំ»។
«បន្ទាប់ពីការបិទការស៊ើបអង្កេត ភាពគ្មានកំហុសរបស់ខ្ញុំនឹងត្រូវបានបញ្ជាក់។ ខ្ញុំប្រាកដថាយុត្តិធម៌នឹងមានសម្រាប់រូបខ្ញុំ ហើយការបាត់កិត្តយសរបស់ខ្ញុំនឹងមាននៅជាប់នៅអតីតកាល។ ខ្ញុំសូមអរគុណចំពោះសារនៃការគាំទ្ររាប់មិនអស់ក្នុងគ្រាដ៏លំបាកនេះ»។
(អេស៉្បាញ)៖ កាលពីយប់មិញ Barcelona ទទួលបានជ័យជំនះ ៤ទល់នឹង២ ដោយសារការស៊ុតបញ្ចូលទីបាន Hat-trick ៣គ្រាប់ នៅតង់ទី២ របស់ខ្សែប្រយុទ្ធ Robert Lewandowski បន្ទាប់ពីអ្នកចាំទី Giorgi Mamardashvili របស់ក្រុម Valencia ទទួលបានកាតក្រហម ហើយត្រូវបានបណ្តេញចេញពីទីលានប្រកួតភ្លាមៗ។ គួរជម្រាបផងដែរថា Barcelona មាន៧៣ពិន្ទុ តាមពីក្រោយក្រុមកំពូលតារាង Laliga Real Madrid ចំនួន១១ពិន្ទុ៕អត្ថបទកំពុងចាប់អារម្មណ៍៖ តារាឆ្នើម Liverpool ដ៏មានសក្កានុពលរូបនេះ មិនចង់ចែកផ្លូវ ក្រោយក្លឹបគ្រោងផ្តល់ជូននូវកុងត្រាថ្មី សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស សូមទស្សនានូវវីដេអូ Highlights ខាងក្រោម៖