(អង់គ្លេស)៖ បើយោងតាមសារព័ត៌មាន Sky Sports បានឲ្យដឹងថា អតីតខ្សែបម្រើរបស់បិសាចក្រហម Manchester United គឺកីឡាករ Jesse Lingard បានបើកចំហរក្នុងការផ្លាស់ប្តូរទៅកាន់ Saudi Pro League។ បច្ចុប្បន្ន Lingard កំពុងស្វែងរកក្លឹបថ្មី បន្ទាប់ពីក្លឹប Nottingham Forest ចែកផ្លូវគ្នានៅចុងបញ្ចប់រដូវកាល២០២៣។ Lingard បាននិយាយថា «ខ្ញុំកំពុងពិចារណាលើការសម្រេចចិត្តរបស់ខ្ញុំ ហើយខ្ញុំមិនដែលបដិសេធទៅកាន់ក្លឹបណាមួយនោះទេ ដូច្នេះសម្រាប់ខ្ញុំ វាគ្រាន់តែជាការជ្រើសរើសក្រុមដែលត្រឹមត្រូវប៉ុណ្ណោះ ខ្ញុំគ្រាន់តែចង់ចូលលេងឲ្យបានគ្រប់ការប្រកួត ហើយ​នោះ​ជា​អ្វី​ដែល​ខ្ញុំ​ចង់​បាន» ។ «ខ្ញុំពិតជាមិនភ្ញាក់ផ្អើលទេដែលកីឡាករមានឈ្មោះល្បីៗ បានផ្លាស់ទៅលេងនៅអារ៉ាប់ ដូចដែលខ្ញុំនិយាយអញ្ចឹង ពួកគេក៏កំពុងចង់បានរូបខ្ញុំដែរ ហើយវាជាអ្វីដែលខ្ញុំនឹងពិចារណា – ខ្ញុំក៏មិនបានបដិសេធនូវការផ្តល់ជូននេះទេ» ៕