បរទេស៖ Manchester City បានប្រកាសពីការចុះហត្ថលេខាលើខ្សែបម្រើ Mateo Kovacic ពី Chelsea ។ កីឡាករវ័យ 29 ឆ្នាំរូបនេះបានចុះហត្ថលេខាលើកិច្ចសន្យារយៈពេល 4 ឆ្នាំនៅកីឡដ្ឋាន Etihad រហូតដល់ខែមិថុនា ឆ្នាំ 2027 ហើយត្រូវបានគេជឿថា មានតម្លៃ២៥លានផោន បូករួមប្រាក់រង្វាន់ផ្សេងៗ៥លានផោនបន្ថែមទៀត។
Kovacic ក្លាយជាកីឡាករចុះហត្ថលេខាដំបូងរបស់ Pep Guardiola នៃទីផ្សារដោះដូរកីឡាកររដូវក្តៅ ហើយគាត់នឹងពាក់អាវលេខ 8 បន្ទាប់ពី Ilkay Gundogan ដែលបានបញ្ចប់ការផ្ទេររបស់គាត់ទៅ Barcelona កាលពីថ្ងៃចន្ទ។ ថ្លែងទៅកាន់គេហទំព័រផ្លូវការរបស់ Man City ក្នុងការមកដល់ Etihad លោក Kovacic បាននិយាយថា “នេះគឺជាការផ្លាស់ប្តូរដ៏អស្ចារ្យសម្រាប់ខ្ញុំ ហើយខ្ញុំមិនអាចរង់ចាំក្នុងការចាប់ផ្តើមជាមួយ Man City បានទេ។ “អ្នកណាក៏ដោយដែលបានមើលក្រុមនេះក្រោមការដឹកនាំរបស់ Pep ដឹងថាពួកគេល្អប៉ុណ្ណា – សម្រាប់ខ្ញុំ ពួកគេគឺជាក្រុមល្អបំផុតនៅក្នុងពិភពលោក។ ពានរង្វាន់ដែលពួកគេបានឈ្នះគឺច្បាស់សម្រាប់ទាំងអស់គ្នា ប៉ុន្តែពួកគេក៏ជាក្រុមបាល់ទាត់ល្អបំផុតនៅទីនោះផងដែរ។
