(បារាំង)៖ យោងតាម Get French Football News បានអះអាងថា ក្លឹបហង្សក្រហម Liverpool មានចំណាប់អារម្មណ៍ជាខ្លាំងលើខ្សែបម្រើស្លាប Rennes Jeremy Doku សញ្ជាតិបែលហ្ស៊ិក ដែលកំពុងប្រកបអាជីពនៅក្លឹប Stade Rennais F.C ក្នុងប្រទេសបារាំង ខណៈក្លឹបហង្សក្រហមមានគម្រោងនាំយកកីឡាកររូបនេះ មកជំនួសកន្លែងកីឡាករ Mohamed Salah ដែលអនាគតរបស់គាត់មានភាពស្រពិចស្រពិល។ កីឡាករ Doku មានវ័យ ២១ឆ្នាំ ដែលបានចូលរួមជាមួយក្លឹប Rennes ក្នុងឆ្នាំ ២០២០ ហើយបានបង្ហាញខ្លួន ២៩ដង នៅ Ligue ១ កាលពីរដូវកាលមុន ដោយអាចស៊ុតបញ្ចូលទីបាន ៦គ្រាប់។ Liverpool ត្រូវបានគេជឿថា កំពុងពិចារណាលើការផ្ទេរកីឡាករវ័យក្មេង ដែលនៅសល់កិច្ចសន្យា ២ឆ្នាំទៀតនៅក្លឹបបច្ចុប្បន្ន ប៉ុន្តែកីឡាកររូបនេះមិនមែនជាខ្សែបម្រើស្លាបស្តាំតែម្នាក់គត់ដែលមានការចរចារជាមួយ Liverpool ក្នុងរយៈពេលប៉ុន្មានខែថ្មីៗនេះទេ៕
អតីតអ្នកចាំទីចាស់វស្សារបស់ក្រុមបិសាចក្រហម Man.Utd កីឡាករ David de Gea ដែលបានបដិសេធការផ្តល់ជូនសំណើរជាច្រើនពីក្លឹបនៅលីកកំពូលរបស់ប្រទេសអារ៉ាប៊ីសាអូឌីត ខណៈកីឡាករអន្តរជាតិអេស្បាញកំពុងពិចារណាចូលនិវត្តន៍ប្រសិនរូបគេមិនទទួលបានការផ្តល់ជូននូវសំណើរពីក្លឹបកំពូលនៅអឺរ៉ុបក្នុងប៉ុន្មានខែខាងមុខនេះ ទៀតនោះទេ។អតីតយុវជនថ្នាលក្លឹប At.Madrid ដែលបានផ្ទេរមកកាន់ទឹកដី Old Trafford កាលពីឆ្នាំ ២០១១កំលុងពេលគ្រូតា Sir Alex Ferguson ដឹកនាំ នោះ បានក្លាយជាកីឡាករដែលគ្មានតម្លៃខ្លួនពេលកុងត្រារបស់ខ្លួនអស់សុពលភាពកាលពីខែមិថុនា កន្លងទៅ ស្របពេលក្រុមលោក Erik Ten Hagបានបញ្ចប់ការផ្ទេរយកអ្នកចាំទីអន្តរជាតិកាមេរ៉ូន Andre Onana ពី Inter Milanមកជំនួសតំណែងកីឡាករវ័យ៣២ឆ្នាំរូបនេះ។ De Gea បានបញ្ជាក់យ៉ាងច្បាស់ថាលុយមិនមែនជាអាទិភាពរបស់គាត់ចូលរួមជាមួយក្លឹបថ្មីនោះទេ ខណៈកន្លងមកក្លឹបនៅមាតុភូមិកំណើតគឺ Real Madrid ពិចារណានាំយក រូបគេមកជំនួសអ្នកចាំទីដៃទី១ Thibaut Courtois ដែលនឹងអវត្តមានពេញមួយរដូវកាល ដោយសាររបួស។ ប៉ុន្តែទីបំផុតក្លឹបយក្សអេស្ប៉ាញបានសម្រេចចិត្ត ចុះហត្ថលេខាខ្ចីជើងអ្នកចាំទីកំនត់ត្រាថ្លៃបំផុត និង ជាមិត្តរួមជាតិគឺ Kepa Arrizabalaga ពី Chelseaមកវិញ។អត្ថបទកំពុងចាប់អារម្មណ៍៖ Prediction: Bochum អាចទប់ទល់សន្ទុះវៃលុករបស់ម្ចាស់ផ្ទះ Bayern […]
