អតីតអ្នកចាត់ការទូទៅក្រុមហង្សក្រហម Liverpool និង សារិកាព្រៃ Newcastle លោក Rafael Benitez កំពុងត្រៀមខ្លួនវិលត្រលប់មកគ្រប់គ្រងវិញ បន្ទាប់ពីត្រូវបានតែងតាំងជាគ្រូបង្វឹកក្លឹប Celta Vigo ជាមួយការចុះកិច្ចសន្យារយៈពេល៣ឆ្នាំ ។គួរបញ្ជាក់ថាបុរសសញ្ជាតិអេស្ប៉ាញវ័យ ៦៣ ឆ្នាំរូបនេះមិនមានក្លឹបដឹកនាំនោះទេក្រោយត្រូវក្រុមស្ករគ្រាប់ Everton បញ្ចប់តួនាទីក្នុងខែមករាឆ្នាំ ២០២២កន្លងទៅ ។
គួរបញ្ជាក់ថាលោក Benitez ដែលធ្លាប់មានតួនាទីជាគ្រូបង្វឹកបណ្ដោះអាសន្ននៅ Chelsea និង Real Madrid រូបនេះបានចូលមកជំនួសតំណែងលោក Carlos Carvalhal ដែលបានចាកចេញពីក្លឹបនៅចុងបញ្ចប់នៃរដូវកាលនេះ ក្រោយមានគុណសម្បត្តិជួយអោយពួកគេជៀសផុតពីការកាត់ចេញទៅលេងនៅលីកទីពីរ។
គួររំលឹកថា Celta Vigo ធ្វើបានល្អបំផុតនៅថ្ងៃប្រកួតបិទបញ្ចប់រដូវកាលដោយផ្តួលម្ចាស់ជើងឯក Barcelona ដើម្បីទទួលបានបីពិន្ទុពីលើតំបន់កាត់ចោលដោយឈរក្នុងចំណាត់ថ្នាក់ទី ១៣។
ប្រភព:BBC
វីដេអូ Celta Vigo vs Barcelona
