(អង់គ្លេស)៖ កីឡាករ Declan Rice មានអាយុ ២៤ឆ្នាំ ត្រូវបានគេរំពឹងថាអាចនឹងចាកចេញពីក្លឹប West Ham នៅរដូវក្តៅនេះ បន្ទាប់ពីកីឡាកររូបនេះបានជួយក្លឹបឈ្នះពានរង្វាន់ Europa Conference League ក្នុងការប្រកួតចុងក្រោយរបស់ខ្លួន។ Rice នៅសល់កុងត្រាមួយឆ្នាំទៀតនៅក្លឹប ប៉ុន្តែគាត់មានជម្រើសបន្តកុងត្រារហូតដល់ឆ្នាំ ២០២៥។ ក្លឹបបិសាចក្រហហម Manchester United បានត្រៀម Harry Maguire ឬ Scott McTominay ក្នុងចំណោមកីឡាករម្នាក់ បូករួមនឹងទឹកប្រាក់បន្ថែមបង្រ្គប់ ១០០លានផោន សម្រាប់បំពេញនៃការដេញថ្លៃ Declan Rice។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
មិនមែនតែក្លឹបបិសាចក្រហម Manchester United នោះទេដែលចង់បានកីឡាកររូបនេះ ខណៈក្រុមកាំភ្លើងធំ Arsenal ក៏មានការពេញចិត្តយ៉ាងខ្លាំងក្នុងការចុះហត្ថលេខាលើខ្សែបម្រើសញ្ជាតិអង់គ្លេសនេះដែរ ដោយបានធ្វើឲ្យក្រុមកាំភ្លើងធំ ដាក់គោលដៅចម្បងលើកីឡាកររូបនេះនៅក្នុងបញ្ជីការផ្ទេរទីមួយរបស់ក្លឹប។ បើយោងតាម The Telegraph បានអះអាងថាក្លឹបបិសាចក្រហម Man United អាចទាញយកផលប្រយោជន៍ពីការដេញថ្លៃស្ទាក់ស្ទើររបស់ Arsenal ដែលឲ្យតម្លៃខ្លួនត្រឹម ៩០លានផោនប៉ុណ្ណោះ ខណៈក្លឹប West Ham ទាមទារ ១០០លានផោន៕
