(បរទេស)៖ ក្លឹប Al-Nassr ត្រូវបានគេរាយការណ៍ថា បានកំណត់អត្តសញ្ញាណនាំយកខ្សែបម្រើស្លាបរបស់ Chelsea កីឡាករ Hakim Ziyech ដើម្បីឲ្យចូលរួមចាប់ដៃគ្នាជាមួយកីឡាករឆ្នើមព័រទុយហ្គាល់ Cristiano Ronaldo។ កីឡាករសញ្ជាតិម៉ារ៉ុករូបនេះ បានធ្លាក់ទម្រង់លេងជាខ្លាំងនៅកីឡដ្ឋាន Stamford Bridge នារដូវកាល ២០២២ – ២០២៣។ កីឡាករ Ziyech នៅជាមួយ Chelsea តាំងពីឆ្នាំ ២០២០ ដោយបានបង្ហាញខ្លួន ១០៧ប្រកួត សម្រាប់ក្លឹប ហើយក្លាយជាកីឡាករដែលមានទេពកោសល្យកំពូលឆ្ពោះទៅប្រទេសអារ៉ាប៊ីសាអូឌីត មិនតែប៉ុណ្ណោះក្លឹប Al-Nassr បានរៀបចំប្រាក់ជាច្រើនទុកសម្រាប់កីឡាករម៉ារ៉ុករូបនេះរួចជាស្រេចហើយ៕