(បរទេស)៖ បើយោងតាមរបាយការណ៍ថ្មីមួយបានឲ្យដឹងថា ក្លឹបបិសាចក្រហម Manchester United កំពុងចាប់អារម្មណ៍ក្នុងការចុះហត្ថលេខាលើអតីតកីឡាករឆ្នើមរបស់ក្លឹបមេឃខៀវ Manchester City គឺកីឡាករ Felix Nmecha នៅរដូវក្តៅនេះ ហើយក្លឹបក៏បានទាក់ទងភ្នាក់ងាររបស់កីឡាកររូបនេះរួចជាស្រេចហើយ។ បច្ចុប្បន្នកីឡាករ Nmecha កំពុងលេងឱ្យក្លឹប Wolfsburg នៅលីគ Bundesliga ដោយបានចាកចេញពី Man City ក្នុងឆ្នាំ ២០២១ បន្ទាប់ពីបានបង្ហាញខ្លួនបានពីរលើកក្រោមការដឹកនាំរបស់លោក Pep Guardiola ។ កីឡាករវ័យ ២២ឆ្នាំរូបនេះបានឆ្លងកាត់ការហ្វឹកហាត់នៅក្លឹប Man City ហើយបានបង្ហាញខ្លួនក្នុងការប្រកួតក្របខ័ណ្ឌ Champions League ទល់នឹង Olympiacos ក្នុងខែវិច្ឆិកា ឆ្នាំ ២០២០។ កីឡាកររូបនេះ បានបង្ហាញខ្លួន ៣០ដង នៅ Bundesliga ហើយថ្មីៗនេះសម្រាប់ក្រុម Wolfsburg គាត់បានស៊ុតបញ្ចូលទីបាន ៣គ្រាប់ និងបញ្ជូនបាល់ស៊ុតបញ្ចូលទី ៦ដង៕