(ប៉ារីស)៖ កីឡាករវាយតេន្នីស Novak Djokovic ដណ្តើមបានមកវិញនូវចំណាត់ថ្នាក់លេខ១ លើពិភពលោក ពីកីឡាករ Carlos Alcaraz បន្ទាប់ពីបានឈ្នះពានរង្វាន់កម្រិត Grand Slam ផ្នែកបុរសនៅឯព្រឹត្តិការណ៍ French Open, ស្របពេលដែលកីឡាករ Rafael Nadal បានធ្លាក់ផុតពីកីឡាករកំពូលទាំង១០០ (Top 100) ជាលើកដំបូងរបស់លោក ក្នុងរយៈពេល ២០ឆ្នាំ។ នេះបើយោងតាមសារព័ត៌មាន CNA ចេញផ្សាយនៅថ្ងៃទី១៤ ខែមិថុនា ឆ្នាំ២០២៣។
Djokovic វ័យ ៣៦ឆ្នាំ បានហក់ឡើងចំនួន ២ចំណាត់ថ្នាក់ក្នុងតារាង បន្ទាប់ពីយកបានជ័យជម្នះ នៅទីក្រុងប៉ារីស កាលពីចុងសប្តាហ៍កន្លងទៅនេះ។ លោកបានយកឈ្នះលើកីឡាករអេស្ប៉ាញ Alcaraz នៅវគ្គពាក់កណ្តាលផ្តាច់ព្រ័ត្រ នៃព្រឹត្តិការណ៍នោះ។
កីឡាករ Alcaraz បានធ្លាក់ទៅឈរនៅចំណាត់ថ្នាក់ទី២ ស្របពេលដែល Daniil Medvedev ដែលបានធ្លាក់ចេញក្នុងការប្រកួតជុំដំបូងនោះ ក៏បានធ្លាក់ ១ចំណាត់ថ្នាក់ផងដែរ គឺទៅកាន់ចំណាត់ថ្នាក់ទី៣។ ដោយឡែកកីឡាករ Casper Ruud ដែលជាជើងឯករង French Open នោះ ស្ថិតនៅចំណាត់ថ្នាក់ទី៤។
សូមជម្រាបថា Rafael Nadal ជួបបញ្ហារបួស ហើយមិនបានប្រកួតនោះទេ គិតចាប់តាំងពីខែមករាមក ដោយសាររងរបួសត្រគាក ក្នុងព្រឹត្តិការណ៍ Australian Open ហើយកីឡាករវ័យ ៣៧ឆ្នាំរូបនេះ បានធ្លាក់ពីចំណាត់ថ្នាក់ទី១៥ ទៅកាន់ចំណាត់ថ្នាក់ទី១៣៦ ក្នុងតារាងចំណាត់ថ្នាក់ ដោយសារតែលោកបន្តអវត្តមានពីការប្រកួត។
ដ្បិតកីឡាករ Novak Djokovic ពេលនេះឈ្នះបានពានរង្វាន់កម្រិតកំពូលបានលើកទី២៣ របស់លោក និងជាលើកទី៣ នៃព្រឹត្តិការណ៍កម្រិត French Open៕
កាំភ្លើងធំ Arsenal ក្នុងនាមជាភ្ញៀវនិងត្រូវធ្វើដំណើរទៅចូលរួមការប្រកួតក្របខណ្ឌ Champions League ដោយត្រូវធ្វើដំណើរទៅសួរសុខទុក្ខ Atalanta BC ក្នុងទីក្រុង Bergamo ។រវាងក្រុមទាំងពីរមានវាសនាខុសគ្នាកាលពីរដូវកាលមុនខណៈក្រុមកាំភ្លើងធំបានឈានដល់វគ្គ ៨ ក្រុមចុងក្រោយខណៈ Atalanta បានផ្តួល Europa League នៅទីក្រុង Dublin ដោយផ្តួលក្រុម Bayer Leverkusen ដែលមិនធ្លាប់ចាញ់សម្រាប់កំនត់ត្រាពេញមួយរដូវកាលចាស់នោះ។អត្ថបទកំពុងចាប់អារម្មណ៍៖ Rashford ចែករំលែកនូវរូបមួយសន្លឹកដ៏គួរឲ្យភ្ញាក់ផ្អើល ដែលថតជាប់ដោយ Google Maps សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ១.ប្រវត្តិជួបគ្នា វាជាការជួបគ្នាលើកដំបូងរវាងក្រុមទាំងពីរ។ ២.ពត៌មានក្រុមAtalanta(ម្ចាស់ផ្ទះ) Atalanta នឹងអវត្តមានកីឡាករសំខាន់ដូចជា Gianluca Scamacca និង Giorgio Scalvini ដោយសាររបួសរាំរៃខណៈ ខ្សែការពារ Rafael Toloi (សាច់ដុំ) និង Ben Godfrey (ខ្នង)ក្រោយពីមិនបានចូលលេងពេលផ្តួល Fiorentina។ទោះយ៉ាងណាគ្រូបង្វឹក Gian […]
