ក្រុមហង្សក្រហម Liverpool បានបញ្ជាក់ពីការចុះហត្ថលេខាផ្លូវការណ៍លើខ្សែបម្រើ Alexis Mac Allister របស់ក្រុមសត្វរំពែរ Brighton ក្នុងតម្លៃខ្លួនប្រមាណ៣៥លានផោន។កីឡាករអន្តរជាតិអាហ្សង់ទីនរូបនេះត្រូវបានផ្តិតយករូបភាពនៅឯទីលានហ្វឹកហាត់ AXA របស់ក្លឹប Merseyside កាលពីល្ងាចថ្ងៃអង្គារ ដើម្បីបំពេញការពិនិត្យសុខភាព មុនពេលចុះហត្ថលេខាលើកិច្ចសន្យារយៈពេលវែងជាមួយក្លឹប។
Mac Allister បានដើរតួនាទីដ៍សំខាន់ជួយអោយក្រុមពពកសអាហ្សង់ទីនលើកពាន World Cup ២០២២ និង បង្ហាញទម្រង់លេងបានល្អ នៅរដូវកាល នេះដោយស៊ុតបញ្ចូលីបាន ១០ ដងនៅក្នុងុំក្របខណ្ឌ Premier League ។លោក Jurgen Klopp មានបំណងចង់ ស្ថាបនា ក្រុមឡើងវិញក្រោយការចាកចេញរបស់ James Milner, Naby Keita និង Alex Oxlade-Chamberlain។
Allister វ័យ 24 ឆ្នាំនឹងចេញដំណើរទៅកាន់ទីក្រុងប៉េកាំងនៅសប្តាហ៍ក្រោយសម្រាប់ការប្រកួតមិត្តភាពរបស់អាហ្សង់ទីនជាមួយអូស្ត្រាលី មុនពេល ប្រកួតជាមួយឥណ្ឌូនេស៊ីក្នុងទីក្រុងហ្សាកាតា។
ប្រភព:metro
វីដេអូ:
