AC Milan បានបណ្តេញនាយកបច្ចេកទេស និងជាអតីតប្រធានក្រុម Paolo Maldini បន្ទាប់ពីកាន់តួនាទីនេះអស់រយៈពេល ៥ ឆ្នាំ។ទោះយ៉ាងណាអតីតខ្សែការពារក្រុមជម្រើសជាតិអ៊ីតាលីដ៍មានបទពិសោធន៍រូបនេះ បានជួយក្រុមបិសាចទឹកក្រូចអ៊ីតាលី គឺ AC. Milan លើកពាន Serie A ក្នុងឆ្នាំ ២០២២ ក្រោយខកខាន រយៈពេល ១១ ឆ្នាំ។ទោះយ៉ាងណារដូវកាលនេះក្លឹបដែលមានមូលដ្ឋាននៅទីក្រុងមីឡាន បានបញ្ចប់ក្នុងចំណាត់ថ្នាក់លេខ ៤ ក្នុងក្របខ័ណ្ឌ Serie A និងឈានដល់វគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ជាកន្លែងដែលពួកគេត្រូវបានធ្លាក់ចេញក្រោមថ្វីជើងក្លឹបរួមកីឡាដ្ឋាន Inter Milan ។
គេនៅមិនទាន់ដឹងច្បាស់ពីការចែកផ្លូវដ៍គួរអោយភ្ញាក់ផ្អើលនេះនៅឡើយទេខណៈសេចក្តីថ្លែងការណ៍របស់ក្លឹបបានលើកឡើងថាៈយើងសូមអរគុណគាត់សម្រាប់ការបម្រើជាច្រើនឆ្នាំរបស់គាត់ ដែលបានរួមចំណែកដល់ការវិលត្រឡប់ទៅកាន់ក្របខ័ណ្ឌ Champions League និងការឈ្នះពានរង្វាន់ Scudetto (លីកកំពូលអ៊ីតាលី) ។ក្នុងអំឡុងពេលរបស់គាត់ជានាយកបច្ចេកទេស Maldini មានសារៈសំខាន់ក្នុងការផ្ឬេ រយកកីឡាកសំខាន់ៗ មករួមក្រុមមានដូចជា Rafael Leao, Theo Hernandez, Fikayo Tomori និង Olivier Giroud ។
បុរសវ័យ ៥៤ ឆ្នាំរូបនេះបានចំណាយពេលពេញមួយអាជីពលេងរបស់គាត់ជាមួយក្លឹប AC Milan ដោយបានបង្ហាញខ្លួនចំនួន ៩០១ ប្រកួតនិង ឈ្នះពានរង្វាន់ចំនួន ២៦ ក្នុងនោះពានរង្វាន់ Serie A ចំនួន ៧ ដង និងពានរង្វាន់ European Cup/Champions League ចំនួន ៥ដង។ Maldini ក័មានឪពុករបស់គាត់ឈ្មោះ Cesare ក៏ជាវីរបុរសរបស់ក្លឹប ហើយរូបលោកក៏មានកូនមានឈាមជ័រនិងជាខ្សែបម្រើ Daniel លេងអោយAC. Milan ប៉ុន្តែបានចំណាយពេលពីរដូវកាលមុនក្នុងការលេងខ្ចីជើងនៅ Spezia នៅពេលបច្ចុប្បន្ននេះ។
Link: https://www.bbc.com/sport/football/65825912
ប្រភព:BBC
វីដេអូ:
