Close
Featured-Image
កីឡាការិនី ស្រួង ភាវី សម្រេចបរិច្ចាគថវិកាបានពីការប្រកួតទាំងអស់ ដាក់ក្នុងមូលនិធិសប្បុរសធម៌ ដើម្បីជួយកុមារនៅកម្ពុជា
ទំហំអក្សរ
តូច
ធំ

កីឡាការិនីជម្រើសជាតិកម្ពុជាពោរពេញដោយទេពកោសស្យ ផ្នែកប៊ីយ៉ាការ៉ុម អ្នកនាង ស្រួង ភាវី បាន សម្រេចបរិច្ចាគថវិកាលើកទឹកចិត្ត ដែលទទួលបានពីការឈ្នះបានមេដាយក្នុងការប្រកួតកីឡាស៊ីហ្គេម លើកទី៣២ ឆ្នាំ ២០២៣ នៅកម្ពុជាចូលទៅក្នុងមូលនិធិសប្បុរសធម៌ទាំងអស់ដើម្បីជួយដល់ជនក្រីក្រនៅក្នុង ប្រទេសកម្ពុជាជាពិសេសក្មេងៗដែលត្រូវការជំនួយជាចាំបាច់ក្នុងការស្វែងរកការរៀនសូត្រក្រេបយកចំណេះដឹងទៅថ្ងៃអនាគត។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

វីរៈការិនីសណ្ដានចិត្តដ៏ល្អប្រពៃរូបនេះ បានសរសេរបង្ហោះលើផេក ផ្លូវការណ៍របស់គាត់ថា «រាល់ ថវិកាដែល ខ្ញុំ ប្រកួត បាន ជ័យជម្នះបានទាំងប៉ុន្មានក្នុងការ ប្រកួតឈ្នះឬចាញ់ទោះតិចក្ដីច្រើនក្ដីគឺខ្ញុំប្រមូលដាក់ទៅក្នុងមូលនិធិសប្បុរសធម៌ទាំងអស់។ ហើយតាមពិតទៅខ្ញុំមិនមែនជាមានទ្រព្យ ធន ច្រើន អី ទេ តែ ខ្ញុំ ធ្វើនេះគឺព្រោះចង់បង្ហាញឱ្យឃើញថារាល់សកម្មភាពពីមុននិងឥឡូវហើយទៅអនាគតគឺនៅដដែលក្នុងការជួយដល់ប្អូនៗ នៅក្នុងប្រទេសខ្មែរដែលត្រូវការ ជំនួយជាចាំបាច់ក្នុងការស្វែងរកការរៀនសូត្រក្រេបយកចំណេះដឹងទៅអនាគត» ។ ទន្ទឹមនឹងនេះដែរ អ្នកនាង ស្រួង ភាវី បានលើកឡើងបន្ថែមទៀតថា «បើនិយាយពីអារម្មណ៍វិញ ឈ្នះមេដាយមាសលំដាប់ពិភពលោករាប់សិបដង ក៏ខ្ញុំមិនមានអារម្មណ៍ថា រំភើបខ្លាំងដូចពេលដែលបានមេដាយមាសនៅស៊ីហ្គេមនេះដែរ ព្រោះទីនេះជាផ្ទះរបស់ខ្ញុំ ហើយក្តីស្រម៉ៃរយៈពេល ១០ឆ្នាំ បានក្លាយជាការពិតហើយ ខ្ញុំផ្ទាល់ទាំងបេះដូងនិងអាយុជីវិតគឺខ្ញុំលះបង់ដេីម្បីកម្ពុជាអរគុណណាស់ពុកម៉ែបងប្អូន » ។ ទស្សនិក ជន និងប្រជាពលរដ្ឋ កម្ពុជា ទាំង មូល បានបង្ហាញពីអារម្មណ៍ក្ដុកក្ដួល ចំពោះកីឡាការិនី រូបនេះសម្រាប់ ចិត្តសប្បុរស និង មាន បេះដូង ជា ខ្មែរ ជួយខ្មែរ អស់ពីបេះដូងបែបនេះ ។

អ្នកនាង ស្រួង ភាវី ដែល បានប្រកួតតំណាងឳ្យកម្ពុជា ផ្នែកប៊ីយ៉ាការ៉ុម ក្នុងព្រឹត្តិការណ៍ប្រកួតកីឡាស៊ីហ្គេម លើកទី ៣២ ដោយឈ្នះ បានមេដាយមាស ១គ្រឿង និង មេដាយសំរឹទ្ធ ១គ្រឿង ជូន ម្ចាស់ផ្ទះកម្ពុជា ។ តាម រយៈ ការឈ្នះ ពីការ ប្រកួតស៊ីហ្គេម លើក ទី ៣២ ឆ្នាំ ២០២៣ នេះ វីរៈការិនី ស្រួង ភាវី នឹង ទទួលបានប្រាក់រង្វាន់ពី ចំនួន ៥៦ លានរៀល តាមរយៈគោលការណ៍ នៃការផ្តល់ ប្រាក់រង្វាន់ សម្រាប់ការ ប្រកួតស៊ីហ្គេម ចំពោះរាល់អត្តពលិកដែល ឈ្នះ មេដាយមាស នឹងទទួលបាន ៤០ លានរៀល មេដាយប្រាក់ បាន ៣០ លានរៀល និងមេដាយសំរឹទ្ធ ទទួលបាន ១៦ លានរៀល ។

សូមជម្រាបថា អ្នកនាង ស្រួង ភាវី កើតនៅថ្ងៃឆ្នាំ១៩៩០ នៅទឹកដីខេត្តកំពង់ចាម ដែលបច្ចុប្បន្នទីនោះ បានប្រែក្លាយជាខេត្តត្បូងឃ្មុំ។ នាងបានចាកចេញពីប្រទេសកម្ពុជា មករស់នៅប្រទេសកូរ៉េខាងត្បូង តាំងពីអាយុ ២០ឆ្នាំ ។ អ្នកនាងបានចំណាយរយៈពេល ៧ ឆ្នាំ ដើម្បីក្លាយខ្លួនជាកំពូលកីឡាការិនីស្នូកឃ័រ។ ភាវី ជាកំពូលកីឡាការិនីប្រភេទកីឡាស្នូកឃ័ររបស់កម្ពុជា ដែលកំពុងមានឈ្មោះបោះសំឡេងយ៉ាងខ្លាំង ដោយបច្ចុប្បន្នអ្នកនាងកំពុងឈរនៅចំណាត់ថ្នាក់លេខ១ ក្នុងប្រទេសកូរ៉េខាងត្បូង និងលេខ២ នៅលើពិភពលោក ពិសេសថ្មីៗ គឺជាម្ចាស់មេដាយមាសកីឡា អាស៊ី អាគ្នេយ៍ ដែលរៀបចំឡើងនៅកម្ពុជា នាឆ្នាំ២០២៣នេះផងដែរ៕

អត្ថបទទាក់ទង
  • Sponsor by 88Bol
  • Premier League

    # Team MP W D L F A G P
    1 Liverpool 36 25 8 3 83 37 +46 83
    2 Arsenal 36 18 14 4 66 33 +33 68
    3 Newcastle United 36 20 6 10 68 45 +23 66
    4 Manchester City 36 19 8 9 67 43 +24 65
    5 Chelsea 36 18 9 9 62 43 +19 63
    6 Aston Villa 36 18 9 9 56 49 +7 63
    7 Nottingham Forest 36 18 8 10 56 44 +12 62
    8 Brentford 36 16 7 13 63 53 +10 55
    9 Brighton & Hov… 36 14 13 9 59 56 +3 55
    10 AFC Bournemouth 36 14 11 11 55 43 +12 53
    11 Fulham 36 14 9 13 51 50 +1 51
    12 Crystal Palace 36 12 13 11 46 48 -2 49
    13 Everton 36 9 15 12 39 44 -5 42
    14 Wolverhampton Wanderers 36 12 5 19 51 64 -13 41
    15 West Ham United 36 10 10 16 42 59 -17 40
    16 Manchester United 36 10 9 17 42 53 -11 39
    17 Tottenham Hotspur 36 11 5 20 63 59 +4 38
    18 Ipswich Town 36 4 10 22 35 77 -42 22
    19 Leicester City 36 5 7 24 31 78 -47 22
    20 Southampton 36 2 6 28 25 82 -57 12
  • Sponsor by 88Bol