បើយោងតាមកាសែត The Sun គ្រូបង្វឹកក្រុម Man United លោក Ten Hag បាននិយាយជាមួយ Greenwood តាមទូរស័ព្ទ បន្ទាប់ពីការចោទប្រកាន់របស់គាត់ត្រូវបានទម្លាក់។ របាយការណ៍នេះបានអះអាងថា កីឡាករអង់គ្លេស “ពិតជាកោតសរសើរ” ការហៅទូរស័ព្ទពីអ្នកគ្រប់គ្រងដែលចង់ដឹងពីស្ថានភាពផ្លូវកាយ និងផ្លូវចិត្តរបស់ខ្លួន។

Ten Hag ត្រូវបានគេចោទប្រកាន់ថា បានបញ្ជាក់យ៉ាងច្បាស់ទៅកាន់ខ្សែប្រយុទ្ធថា គាត់នឹងពិភាគ្សាជាមួយនឹងក្លឹបថា តើគាត់អាចត្រលប់មកវិញ ឬអត់។ Greenwood មានកុងត្រានៅ Old Trafford រហូតដល់រដូវក្តៅឆ្នាំ 2025 ជាមួយនឹងជម្រើស 12 ខែទៀត ហើយគេជឿថា គាត់មានប្រាក់ឈ្នួលជាង 100,000 ផោនក្នុងមួយសប្តាហ៍។ កីឡាករសញ្ជាតិអង់គ្លេសរូបនេះបានស៊ុតបញ្ចូលទីបាន 35 គ្រាប់ និងបញ្ជូនបាល់ឱ្យមិត្តរួមក្រុមចំនួន 12 ដងក្នុងការបង្ហាញខ្លួន 129 លើកសម្រាប់ក្រុមបិសាចក្រហម ជាមួយនឹងការបង្ហាញខ្លួនចុងក្រោយរបស់គាត់ជាមួយនឹងក្រុម West Ham United កាលពីខែមករាឆ្នាំមុន។