Paul Pogba កំពុងពិភាក្សាក្នុងការផ្ទេរដ៏មានសក្តានុពលមួយទៅកាន់ក្លឹប Marseilleនៅលីកកំពូលមាតុភូមិបារាំងរបស់ខ្លួន នៅពេលទីផ្សារដោះដូរកីឡាករនិងបើកដំណើរការលើកទីពីរនៅដើមខែមករា២០២៤ខាងមុខនេះ។ មិនមែនជារឿងលេងសើចនោះទេ ក៍ព្រោះតែខ្សែបម្រើវ័យ ៣១ ឆ្នាំរូបនេះបានធ្វើការពិភាក្សាយ៉ាងហ្មត់ចត់ជាមួយក្លឹបនៅ Ligue ១ ជាច្រើនសប្តាហ៍ ខណៈដែលរូបគេចង់សាងអនាគតជាថ្មី បន្ទាប់ពីរួចផុតបម្រាមហាមឃាត់មិនអោយលេងបាល់ទាត់ដោយសារតែរកឃើញការល្មើសប្រើប្រាស់សារជាតិញៀនហាមឃាត់ ដោយរងពិន័យ៤ឆ្នាំនៅខែកុម្ភៈ២០២៤ តែត្រូវបានកាត់បន្ថយមកនៅត្រឹម១ឆ្នាំកន្លះ(១៨ខែ ក្រោយពីសាម៉ីខ្លួនបានបណ្តឹងឧទ្ធរណ៍)។

ទោះយ៉ាងណាអ្វីដែលរូបគេត្រូវធ្វើដំបូអបំភុតគឺការបញ្ចប់កុងត្រាជាមួយក្លឹបដែលជាអាណាព្យាបាលបច្ចុប្បន្នគឺក្រុម Juventus ខណៈសមាជិកជ័យលាភីWorld Cup២០១៨ មានសុពលភាពកុងត្រាជាមួយក្លឹបដល់ខែមិថុនាឆ្នាំ២០២៦ឯណោះ។ ប្រសិនជាការផ្លាស់ប្តូរនេះកើតមានឡើងនោះ Pogba និងអាចបន្តលេងជាមួយអតីតមិត្តរួមក្រុម Man. United កីឡាករ Mason Greenwood ដែលបានចុះហត្ថលេខាជាមួយ Marseille ក្នុងកិច្ចសន្យារយៈពេលប្រាំឆ្នាំពីបិសាចក្រហមកាលពីខែកក្កដា២០២៤កន្លងទៅ។

ប្រភព:Dailymailsport