បរទេស៖ ខ្សែការពារ Lisandro Martinez របស់ក្រុមបិសាចក្រហម បានលើកឈ្មោះខ្សែប្រយុទ្ធ Gabriel Jesus របស់ក្រុមកាំភ្លើងធំ Arsenal ថាជាគូប្រជែងដ៏ស្វិតស្វាញបំផុតបន្ទាប់ពីខ្សែការពារកណ្តាលសញ្ជាតិអាហ្សង់ទីនរូបនេះបានផ្លាស់ពី Ajax មកកាន់ទឹកដី Old Trafford ក្នុងតម្លៃ ៥៧ លានផោនកាលពីរដូវក្តៅឆ្នាំមុន។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ក្រោយមកដល់ទឹកដីអង់គ្លេសដំបូងកីឡាករវ័យ ២៥ ឆ្នាំត្រូវបានមើលឃើញថានិងមិនអាចរីកចម្រើនជោគជ័យហើយល្បីឈ្មោះនៅ ក្របខ័ណ្ឌ Premier League ដោយសារតែកម្ពស់របស់គេទាបធៀបទៅកីឡាករដទៃទៀតប៉ុន្តែ Martinezបានបង្ហាញសមត្ថភាពល្អគួរអោយចាប់ អារម្មណ៏ជាមួយ Raphael Varane មុនពេលជួយអាហ្សង់ទីនឈ្នះពាន World Cup ២០២២។ យ៉ាងណាមិញ Jesus បច្ចុប្បន្នមានបញ្ហារបួសជង្គង់មិនទាន់ជាសះស្បើយនៅឡើយ និងមិនបានបង្ហាញខ្លួនពេល Arsenal ផ្តួលMan.Utd កាលពីខែមករា ប៉ុន្តែបានបង្ហាញខ្លួនចូលលេងចុងក្រោយពេលក្រុមចាញ់ Man.Utd កាលពីដើមរដូវកាល។ ទន្ទឹមនឹងនោះ Martinez ទើបតែជួយអោយMan Utd យកឈ្នះ Newcastle ក្នុងវគ្គផ្តាច់ព្រ័ត្រ EFL Cupរឺ Carabao កាលពីថ្ងៃអាទិត្យ ដើម្បីលើកពានជាលើកដំបូងក្រោយខកខានចាប់តាំងពីឆ្នាំ ២០១៧មក។
