លោក Max Allegri ស្រែកឲ្យអ្នកគាំទ្រ «បិទមាត់ ហើយចុះមកទីនេះ» ដោយសារតែពួកគេបានស្រែកជេរប្រមាថទៅលើកីឡាករ Moise Kean។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
កាយវិការដ៏កម្រនេះ បានកើតមានឡើងកំឡុងពេលក្រុមម្ចាស់ផ្ទះ Juventus បានយកឈ្នះលើក្រុមភ្ញៀវ Fiorentina កាលពីយប់ថ្ងៃអាទិត្យ។ សកម្មភាពមួយដែលចាត់ទុកថាជាទង្វើអសីលធម៌នេះ គឺដោយសារតែអ្នកចាត់ការលោក Allegri បានរងសម្ពាធខ្លាំង និងព្រោះតែ Juventus បានចាប់ផ្តើមរដូវកាលនេះមិនបានល្អទេពោលគឺឈ្នះតែបីប្រកួតប៉ុណ្ណោះ ក្នុងចំណោមការប្រកួតលីកកំពូល ៩លើកចុងក្រោយ។
Allegri shouted “Shut up and come down here…” to a fan who was calling out the players. [DAZN] #Juventus pic.twitter.com/bdP8hP9sIf
— Juventus News Live (@juvenewslive) February 12, 2023
Juventus ក៏បានធ្លាក់ចេញពីក្របខ័ណ្ឌ Champions League ទៅលេងនៅពានរង្វាន់ធំទីពីរនៅអឺរ៉ុបគឺ Europa League បន្ទាប់ពីចាញ់ PSG និង Benfica ព្រមទាំង Maccabi Haifa ។ ជារឿងដែលមិននឹកស្មានដល់ផងដែរគឺក្រុមប្រឹក្សាភិបាលទាំងមូលរបស់ក្លឹបបានលាលែងពីដំណែងជុំវិញរបាយការណ៍ដែលពួកគេកំពុងត្រូវបានស៊ើបអង្កេត លើភាពមិនប្រក្រតីជុំវិញបញ្ហាហិរញ្ញវត្ថុដែលធ្វើអោយសហព័ន្ធសម្រេចដកពិន្ទុចំនួន១៥ ពិន្ទុ។
