បរទេស៖ អតីតកីឡាកររបស់ Arsenal បានអះអាងថា គ្រូបង្វឹករបស់ក្លឹប Celtic គឺលោក Ange Postecoglou គឺបេក្ខភាពដ៏សាកសមបំផុតសម្រាប់ Liverpool ប្រសិនបើ Jurgen Klopp ចាកចេញមែននោះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

លោក Klopp ដែលនៅសល់កិច្ចសន្យានៅ Anfield ដល់ឆ្នាំ២០២៦នោះ ហាក់បីកំពុងទទួលរងសម្ពាធជាខ្លាំងបន្ទាប់ពីរដូវកាលនេះ Liverpool ធ្វើមិនបានល្អឡើយ ដោយបច្ចុប្បន ពួកគេកំពុងស្ថិតនៅចំណាត់ថ្នាក់លេខ១០នៅតារាង Premier League ហើយលទ្ធផលបរាជ័យក្រោមថ្វីដៃរបស់ Wolves នៅសប្តាហ៍នេះកាន់តែធ្វើឲ្យកៅអីរបស់លោក Klopp កាន់តែឡើងកម្តៅជាងមុន។

យ៉ាងណាមិញ មកទល់នេះមិនទាន់មានសារព័ត៍មានបានចុះផ្សាយថា ក្លឹប Liverpool នឹងបណ្តេញលោក Jurgen ចេញពីតំណែងឡើយ ប៉ុន្តែវីរបុរសរបស់ Arsenal លោក Nicholas ជឿជាក់ថា លោក Ange Postecoglou គ្រូរបស់ Celtic គឺជាបុគ្គលដែលសាកសមបំផុតក្នុងការជំនួសតំណែងលោក Klopp៕