(អេស្ប៉ាញ)៖ បើយោងតាម Mundo Deportivo ​បានឱ្យដឹងថាក្លឹបអ្នកមានបុណ្យ Barcelona កំពុងជំរុញឱ្យកីឡាករ Ansu Fati ចាកចេញពីក្លឹបនៅរដូវក្តៅនេះ ប៉ុន្តែចង់ភ្ជាប់លក្ខខណ្ឌទិញត្រឡប់មកវិញនៅក្នុងកិច្ចព្រមព្រៀងជាមួយក្លឹប។ ខ្សែ​ប្រយុទ្ធ​សញ្ជាតិ​អេស្ប៉ាញ​រូប​នេះ​ មាន​រយៈពេល​ខ្លី​នៅ Barca ហើយលោកគ្រូ Xavi មិន​អាច​ធានាបាន​ថា​ Fati មាន​ពេល​លេង​​ច្រើន នៅ​ក្នុង​រដូវ​កាល​ខាង​មុខ​នោះទេ។ បើទោះបីជា Fati មានការស្ទាក់ស្ទើរក្នុងការស្នាក់នៅ Barca និងមានការជំរុញឱ្យទៅក្លឹបផ្សេងក៏ដោយ អ្នកចាត់ការសញ្ជាតិអេស្ប៉ាញជឿជាក់ថា ការលក់កីឡាករ Fati អាចឲ្យក្លឹបមានប្រាក់ជាច្រើន ចំពេលមានភាពចលាចលផ្នែកហិរញ្ញវត្ថុក្លឹប Barcelona ហើយបើ Fati ត្រឡប់មកក្លឹបវិញអាចជួយឱ្យក្លឹបទទួលបានភាពអស្ចារ្យមកកាន់ក្លឹបវិញ ប្រសិនបើចាំបាច់៕

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស