បរទេស៖ យោងទៅតាមការបញ្ជាក់របស់គ្រូបង្វឹករបស់ក្លឹប Paris Sainter Germain បានអះអាងថា ការប្រកួតរបស់ Lionel Messi ជាលើកចុងក្រោយសម្រាប់ក្លឹបគឺនៅថ្ងៃអាទិត្យទី០៤នេះទល់នឹងក្រុម Clermount ។ យ៉ាងណាមិញទន្ទឹមគ្នានេះយើងនៅមិនទាន់ដឹងច្បាស់ថា ខ្សែប្រយុទ្ធអាហ្សង់ទីនរូបនេះនឹងសម្រេចចិត្តផ្ទេរទៅទីណាបន្ទាប់ឲ្យប្រាកដនៅឡើយទេ ដោយមានភាគីខាងអារ៉ាប់បានផ្តល់សំណើរដល់រូបគេតាំងពីប៉ុន្មានខែមុនម្លេះ ខណៈ Barcelona កំពុងស្វែងរកដំណោះស្រាយដើម្បីនាំយកខ្សែប្រយុទ្ធឆ្នើមរូបនេះត្រលប់ទៅ Camp Nou វិញ ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

យ៉ាងណាមិញបើយើងមើលតាមស្ថានភាពជាក់ស្តែងប្រាកដណាស់ ក្លឹបអារ៉ាប់គឺមានភាគរយខ្ពស់ជាង ក្លឹបនៅប្រទេសអេស្ប៉ាញ ដោយពួកគេបានផ្តល់នូវសំណើរដ៏ច្រើនសន្ធឹកសន្ធាប់ក្នុងការយក Lionel Messi ទៅកាន់ទឹកដីអារ៉ាប់ដោយសំណើរនោះត្រូវគេជឿជាក់ថា វាច្រើនជាងអ្វីដែលក្លឹប Al-Nassr ឲ្យ CR7 ទៀតផង ។