(តូរីន)៖ ក្លិបបាល់ទាត់អាជីព Juventus ត្រូវតែបង់ប្រាក់ពិន័យប្រមាណ ៦២០០០០ផោន ទៅឲ្យអាជ្ញាធរបាល់ទាត់អ៉ីតាលី ដើម្បីដោះស្រាយករណីត្អូញត្អែរពីការបើកប្រាក់បៀវត្សរ៍របស់កីឡាករនាពេលកន្លងមក។
ការព្រមព្រៀងពិន័យជាទឹកប្រាក់នេះដែរមានន័យថា ក្លិបសេះបង្កង់ Juventus មួយនេះ បានទទួលយកនូវការកាត់ ១០ពិន្ទុចេញពីលីគ Serie A រដូវកាលនេះ និងមិនរងពិន័យកាត់ពិន្ទុច្រើនជាងនេះទៀតឡើយ ពោលគឺចប់គ្រប់ករណីសម្រាប់ក្លិបប្រចាំនៅទីក្រុង Turin នេះតែម្តង។
ភ្លាមៗនោះដែរ Juventus ក៏បានចេញសេចក្តីថ្លែងការណ៍ដែលត្រូវបានដកស្រង់ចេញផ្សាយដោយគេហទំព័រកីឡា BBC ឲ្យដឹងថា «កិច្ចព្រមព្រៀងចុងក្រោយនេះដែរ នឹងធ្វើឲ្យក្លិបទទួលបានលទ្ធផលវិជ្ជមាន ដែលអាចធ្វើឲ្យក្លិបមានលំនឹងឡើងវិញ ក្រោយមានភាពតានតឹងមួយរយៈពេលកន្លងមក។ នេះមានន័យថា អាចអនុញ្ញាតដល់អ្នកចាត់ការទូទៅ លោក Massimiliano Allegri និងកីឡាករទាំងអស់ផ្តោតតែទៅលើគម្រោងសម្រាប់រដូវបន្ទាប់ផងដែរ»។
ក្រោយរងពិន័យនៃការកាត់ ១០ពិន្ទុចេញពី Serie A រដូវកាលនេះ បានធ្វើឲ្យ Juventus ធ្លាក់ពីលេខ២ មកលេខ៧ វិញនៅក្រៅតំបន់កៅអីលេងពានអឺរ៉ុបនារដូវកាលក្រោយ ដ្បិតនៅសល់ ១ប្រកួតមុនបិទរដូវកាលនេះដ៏ពេញលេញ។
ពួកគេនៅចាញ់ ១ពិន្ទុពីក្រុម Roma និងដាច់ ២ពិន្ទុផងដែរពីក្រុមលេខ៥ Atalanta ពីតំបន់កៅអីលេងពាន Europa League និង Europa Conference League ផងដែរ។ ក្រុមដែលដឹកនាំដោយលោក Allegri នឹងត្រូវធ្វើដំណើរទៅប៉ះម្ចាស់ផ្ទះ Udinese សម្រាប់ ១ប្រកួតចុងក្រោយនារាត្រីថ្ងៃអាទិត្យចុងសប្តាហ៍នេះ៕
(អង់គ្លេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano ថាម្ចាស់ជើងឯក UCL ១៤សម័យ Real Madrid គឺកំពុងតាមដានយ៉ាងដិតដល់ពីការចង់បាន Alexander-Arnold ដែលនឹងធ្វើឱ្យរូបគេក្លាយជាគោលដៅកំពូល។ មិនតែប៉ុណ្ណេាះ កាលពីថ្ងៃព្រហស្បតិ៍ម្សិលមិញ កាសែតអេស្ប៉ាញ MARCA បានចុះផ្សាយព័ត៌មានទាក់ទងនឹង Arnold ដាក់នៅទំព័រមុខតែម្តង។អត្ថបទកំពុងចាប់អារម្មណ៍៖ Ronaldinho ថា «Messi មិនមែនជា Goat» ប៉ុន្តែគឺជាវីរបុរស ៣ រូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស យោងតាម Sport Witness បានអះអាងថា រូបគេ [Arnold] នឹងមិនបន្តការស្នាក់នៅជាមួយហង្សក្រហម Liverpool ទៀតនោះឡើយ ខណៈដែលកិច្ចសន្យានឹងផុតកំណត់នៅចុងរដូវកាលនេះ។ គួរជម្រាបដែរថា ការចង់បានខ្សែការពារស្លាបដ៏ឆ្នើមវ័យ ២៦ឆ្នាំ កាន់តែខ្លាំងនោះ ក៏ព្រោះតែ Dani Carvajal ជួបបញ្ហារងបួសសសៃពួរ ACL រយៈពេលវែងក្នុងការជាសះស្បើយឡើងវិញ៕ ប្រភព៖ SPORTbible