(ភ្នំពេញ)៖ ព្រឹត្តិការណ៍ប្រកួតស៊ីហ្គេមលើកទី៣២ ដែលរៀបចំឡើងជាលើកដំបូងនៅកម្ពុជា បាននាំឱ្យផ្ទុះនូវការចាប់អារម្មណ៍យ៉ាងខ្លាំងពីមជ្ឈដ្ឋានជាតិ ប្រជាជាតិអាស៊ីអាគ្នេយ៍ និងលើពិភពលោកផងដែរ។
កម្ពុជា ថ្វីដ្បិតថា ទើបរៀបចំព្រឹត្តិការណ៍ប្រកួតកីឡាប្រជាជាតិអាស៊ីអាគ្នេយ៍លើកដំបូង តែបានផ្ចិតផ្ចង់ និងយកចិត្តទុកដាក់យ៉ាងខ្លាំង ដើម្បីឱ្យព្រឹត្តិការណ៍នេះទទួលបានការចាប់អារម្មណ៍ខ្ពស់។ ព្រឹត្តិការណ៍ដែលនាំឱ្យផ្ទុះការចាប់អារម្មណ៍ខ្លាំងនោះ រួមមានកម្មវិធីបើក ដែលជាការរៀបចំកម្រិតពិធីបើកអូឡាំពិក ដែលមិនធ្លាប់មានការរៀបចំពីមុនមក, ពិធីបិទ និងការបដិសណ្ឋារកិច្ចដ៏ល្អប្រសើរជាដើម។
ការរៀបចំដ៏ល្អ អមជាមួយការបដិសណ្ឋារកិច្ចដ៏រួសរាយពីសំណាក់យុវជនស្ម័គ្រចិត្ត បានធ្វើឱ្យការប្រកួតកីឡាស៊ីហ្គេមនៅកម្ពុជា បានគាស់រំលើងឡើងវិញនូវស្មារតីកីឡាអូឡាំពិក គឺស្មារតីមិត្តភាព សាមគ្គីភាព ដោយមិនផ្តោតតែលើរឿងឈ្នះ និងចាញ់នោះឡើយ។ កីឡាករ កីឡាការិនី អត្តពលិក ក្រោយបញ្ចប់ការប្រកួត ពួកគេបានសាងនូវស្នាមញញឹម និងអនុស្សាវរីយ៍ជាមួយគ្នាយ៉ាងច្រើន។
បន្ថែមពីលើនោះ ក្នុងពិធីបិទការប្រកួតកីឡាប្រជាជាតិអាស៊ីអាគ្នេយ៍នៅថ្ងៃទី១៧ ខែឧសភា ទទួលបានការចាប់អារម្មណ៍ពីស្ថានីយទូរទស្សន៍ «Channel NewsAsia» របស់ប្រទេសសិង្ហបុរី ដែលជាបណ្តាញផ្សព្វផ្សាយដ៏ល្បីមួយក្នុងតំបន់។ ស្ថានីយទូរទស្សន៍នេះ បានផ្សាយបន្តផ្ទាល់នូវទិដ្ឋភាពទាំងស្រុងនៃពិធីបិទនេះ។
តាមរយៈការផ្សាយផ្ទាល់នេះ គេបានសង្កេតឃើញមានការចូលទស្សនាយ៉ាងច្រើនពីប្រជាពលរដ្ឋនៃប្រទេសអាស៊ីអាគ្នេយ៍។ ជាមួយការចូលទស្សនាពួកគេក៏បានបញ្ចេញមតិយោបល់យ៉ាងច្រើន។ ភាគច្រើននៃមតិយោបល់របស់ពួកគេ គឺបានស្ញប់ស្ញែងចំពោះការរៀបចំរបស់កម្ពុជា ដែលមានភាពអស្ចារ្យ ហើយពួកគេក៏បានអរគុណកម្ពុជាសម្រាប់ការផ្តល់ជូនទាំងឡាយផងដែរ៕
អង់គ្លេស៖ ត្រលប់ទៅក្នុងឆ្នាំ២០១៣ លោកគ្រូតា Sir Alex Ferguson ធ្លាប់បានទទូចឲ្យក្លឹបបិសាចក្រហម Manchester United ផ្ទេរយកវីរបុរស Cristiano Ronaldo មកកាន់ទឹកដី Old Trafford សារជាថ្មី រួមជាមួយនឹងខ្សែប្រយុទ្ធស្លាបឆ្នើមគឺ Gareth Bale ទៀតសោត ដែលសរុបជាទឹកប្រាក់ប្រមាណជិត ២០០លានផោន ដើម្បីប្រកួតប្រជែងគ្រងជើងឯក UCL នៅអំឡុងឆ្នាំនោះ ប៉ុន្តែត្រូវបានក្លឹបបដិសេធលើសំណើរចរចាទិញនេះ ខណៈដែល ៩៩ភាគរយ ទៅហើយនោះ៕អត្ថបទកំពុងចាប់អារម្មណ៍៖ Prediction: Liverpool សម្លឹងលត់ Leicester ដើម្បីរក្សាគម្លាតនៅលើកំពូលតារាង EPL សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ប្រភព៖ SPORTbible
