ក្រុមបិសាចក្រហម Man. United ជាថ្មីម្តងទៀតបានដាក់សំណើរដេញថ្លៃលើកទី៣ជាទឹកប្រាក់ចំនួន ៥៥ លានផោន របស់ពួកគេសម្រាប់ការផ្ទេរយកខ្សែបម្រើ Mason Mount ពីក្រុមតោខៀវ Chelsea មកកាន់ទឹកដី Old Trafford កំលុងពេលវិស្សមកាល ពោលគឺនៅមុនពេលរដូវកាលថ្មីចាប់ផ្តើម ។ ជាមួយគ្នានេះផងដែរក្លឹបដែលមានមូលដ្ឋាន នៅភាគខាងជើងឈាងខាងលិចចក្រភពអង់គ្លេសបានព្រមានថាពួកគេនឹងដើរចេញពីការចរចាជាមួយ Chelsea ប្រសិនក្លឹបដែលមានមូលដ្ឋាននៅទីក្រុងឡុងដ៍ភាគខាងលិចនៅតែព្រងើយកន្តើយមិនព្រមយល់ព្រមទទួលយកសំណើខាងលើនេះ។គួររំលឹកថាកន្លងមក Man.United បានដេញថ្លៃ២លើកនូវទឹកប្រាក់ប្រមាណ៤០ លានផោន និង ៥០ លានផោនរួចមកហើយសម្រាប់ mount ។
ទោះយ៉ាងណាក្រុមតោខៀវ Chelsea ដែលកំពុងមមាញឺកធ្វើការដោះដូរកីឡាករឈុតធំជាច្រើនរូបនេះ មានបំណងចង់បានខ្សែបម្រើកណ្តាលអន្តរជាតិអង់គ្លេសក្នុងរង្វង់ទឹកប្រាក់ប្រមាណ៧០ លានផោនឯណោះ ។ចំនុចនេះហើយត្រូវបានម្ចាស់ជើងឯកអង់គ្លេស ២០សម័យចាត់ទុកថា វាជាការទាមទារហួសហេតុពេក ក៏ព្រោះតែ Man United មើលឃើញថា Mount នៅសល់កុងត្រាតែមួយឆ្នាំទៀតប៉ុណ្ណោះខណៈការពិភាក្សាបន្តកុងត្រាថ្មីបានជាប់គាំង។
Mount រកបានគ្រាប់បាល់ ៣៣ គ្រាប់ក្នុងការបង្ហាញខ្លួនសរុប ១៩៥ប្រកួតសម្រាប់ Chelsea ក្រោយការបង្ហាញខ្លួនឈុតធំលើកដំបូងក្នុងឆ្នាំ ២០១៩ទោះយ៉ាងណា រូបគេខកខានបង្ហាញខ្លួនការប្រកួតមួយចំនួននៅចុងបញ្ចប់នៃរដូវកាលនេះដោយសារបញ្ហារបួស ស្របពេលChelsea បញ្ចប់រដូវកាលក្នុងចំណាត់ថ្នាក់ទី១២ដែលជាលទ្ធផលដ៏អាក្រក់បំផុតរយៈពេល២៥ឆ្នាំ។
ប្រភព:BBC
វីដេអូ:
បរទេសៈ លោក Zinedine Zidane បង្ហាញចំណាប់អារម្មណ៍ និងជឿជាក់ថា Andres Iniesta ត្រូវបានមើលរំលងក្នុងការឈ្នះពានរង្វាន់ Ballon d’Or នៅក្នុងឆ្នាំ២០១០ ទោះបីជារូបគេគឺជាផ្នែកដ៏សំខាន់ដែលបានជួយឲ្យក្រុមជម្រើសជាតិអេស្ប៉ាញឈ្នះ World Cup ជាមួយនឹងគ្រាប់បាល់ជ័យជម្នះនៅវគ្គផ្តាច់ព្រ័ត្រ។ Iniesta បានបញ្ចប់នៅចំណាត់ថ្នាក់ក្រោយ Lionel Messi ដែលបានជាម្ចាស់ជើងឯកបាល់មាសនាពេលនោះ។ Zidane បាននិយាយថា Iniesta បានធ្វើឲ្យមនុស្សគ្រប់គ្នាមានក្តីស្រមៃមួយ ហើយរូបគេសាកសមនឹងទទួលបានវា សម្រាប់ការលះបង់ឲ្យក្លឹប និងក្រុមជម្រើសជាតិ។អត្ថបទកំពុងចាប់អារម្មណ៍៖ AC Milan ឡើងទៅចាំវគ្គផ្ដាច់ព្រ័ត្រ Coppa Italia ក្រោយលុត Inter Milan មិនឲ្យតដៃ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស លោក Pascal Ferré ជា France Football’s then-editor បានធ្វើការសុំទោសទៅដល់ Iniesta ក្នុងឆ្នាំ២០១៨ ដោយបាននិយាយថា “សូមអ្នកលើកលែងឲ្យពួកយើង […]
