(អង់គ្លេស)៖ ក្លឹបមេឃខៀវ Manchester City បានដាក់សំណើដេញថ្លៃ ២៥ លានផោន ឬ ៣១.៨ លានដុល្លារអាមេរិក សម្រាប់ខ្សែបម្រើកីឡាករ Mateo Kovacic របស់ក្លឹបតោខៀវ Chelsea ដោយកីឡាករសញ្ជាតិក្រូអាតរូបនេះ ក៏កំពុងចាប់អារម្មណ៍លើការផ្លាស់ប្តូរនេះផងដែរ។ គ្រូបង្វឹកលោក Pep Guardiola គាត់បានសរសើរ Kovacic ចាប់តាំងពីគាត់បានលេងឱ្យក្លឹបអធិរាជស Real Madrid ហើយបានផ្លាស់ប្តូរទៅលេងនៅ Chelsea ខណៈដែលកីឡាករវ័យ ២៩ ឆ្នាំរូបនេះនៅសល់កិច្ចសន្យារបស់គាត់ត្រឹមតែមួយឆ្នាំប៉ុណ្ណោះនៅក្លឹបបច្ចុប្បន្នរបស់ខ្លួន៕