ខ្សែប្រយុទ្ធបម្រុងមកពីក្រុមEspanyol កីឡាករ Joselu រកបានគ្រាប់បាល់ឈ្នះនៅចុងម៉ោងនាទីទី៨៨ ខណៈដែលក្រុមអេស្ប៉ាញបានផ្តួលក្រុមអ៊ីតាលី ក្នុងការប្រកួតនៅទីក្រុង Enschede ប្រទេសហូឡង់នាព្រឹកព្រលឹមថ្ងៃសុក្រនេះដើម្បីឡើងទៅកាន់វគ្គផ្តាច់ព្រ័ត្រ Nations League ទល់នឹងក្រូអាតនៅថ្ងៃអាទិត្យខានស្អែក។
គួរបញ្ជាក់ថាខ្សែបម្រើស្លាបក្រុម Villareal កីឡាករ Yeremy Pino ជាអ្នករកគ្រាប់បាល់បើកឆាកអោយអេស្បាញនៅនាទីទី៣ មុនពេលខ្សែប្រយុទ្ធ Lazio កីឡាករ
របស់ក្រុមជម្រើសជាតិអ៊ិតាលី កីឡាករCiro Immobile បានរកគ្រាប់បាល់តាមស្មើឱ្យអ៊ីតាលីដោយការស៊ុតបាល់ប៉េណាល់ទីនៅនាទីទី១១ បន្ទាប់ពីកីឡាករជម្រើសជាតិអេស្ប៉ាញ Robin le Normand ធ្វើអោយបាល់ប៉ះដៃក្នុងប្រអប់។គួរបញ្ជាក់ថាក្រុមគោជល់អេស្បាញដែលបានបរាជ័យនៅវគ្គផ្តាច់ព្រ័ត្រពានរង្វាន់ Nations League ឆ្នាំ ២០២១ ក្រោមស្នាដៃក្រុមបារាំង ហើយជាថ្មីម្តងទៀតពួកគេត្រូវប្រឈមមុខនឹងក្រុមក្រូអាតដែលបានផ្តួលហូឡង់នៅវគ្គ ១/២ផ្តាច់ព្រ័ត្រ។ស្របពេលជាមួយគ្នានេះដែរអ៊ីតាលីត្រូវជួបប្រកួតជាមួយហូឡង់ក្នុងការប្រកួតដណ្តើមចំណាត់ថ្នាក់លេខ៣ពានរង្វាន់ Nations League នៅថ្ងៃអាទិត្យដូចគ្នាផងដែរ។
ប្រភព:BBC
វីដេអូ:
