បរទេស៖ ប្រធានក្រុមសេណេហ្គាល់ Kalidou Koulibaly ដែលមានប្រាក់ឈ្នួល ២៩៥,០០០ ផោនក្នុងមួយសប្តាហ៍បានចូលរួមជាមួយ Chelsea ក្នុងតម្លៃ ៣៣ លានផោនកាលពីឆ្នាំមុន ហើយបានចុះហត្ថលេខាលើកិច្ចសន្យារយៈពេល ៤ ឆ្នាំជាមួយក្រុមតោខៀវ ត្រូវបានរំពឹងថា នឹងចាកចេញពី Chelsea នេះបើយោងតាម Sky Sports ។ ទោះបីជាជាខ្សែការពារដ៏ល្អបំផុតមួយនៅក្នុង Serie A យ៉ាងណាក៏ដោយ Koulibaly គឺពុំបង្ហាញខ្លួនបានល្អឡើយនៅក្របខ័ណ្ឌ Premier League ដោយចាប់ផ្តើមបានត្រឹមតែ 20 ប្រកួតប៉ុណ្ណោះ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
កាលពីខែមុន កាសែត The Sun បានរាយការណ៍ថា កីឡាកររូបនេះបានត្រៀមខ្លួនរួចជាស្រេចក្នុងការចាកចេញពីក្លឹប Chelsea ដោយ Juventus ចាប់អារម្មណ៍ក្នុងការនាំយក Koulibaly ត្រឡប់ទៅ Serie A វិញ ។ របាយការណ៍ផ្សេងទៀតបង្ហាញថា កីឡាកររូបនេះមិនចង់ចាកចេញពីក្លឹបទេ ហើយនឹងបន្តតស៊ូដើម្បីដណ្តើម កន្លែងរបស់គាត់នៅរដូវកាលក្រោយ។ យោងតាម Yahoo News បានអះអាងថា ក្លឹប Chelsea បានត្រៀមខ្លួនរួចជាស្រេចក្នុងការផ្តល់ជូនកីឡាករ Koulibaly ក្នុងលក្ខខ័ណ្ឌខ្ចីជើង និងសាច់ប្រាក់ សម្រាប់នាំយកអ្នកចាំទី Andre Onana របស់ក្លឹប Inter ប្រសិនបើការដេញថ្លៃ 52 លានផោនរបស់ពួកគេសម្រាប់កីឡាករ Mike Maignan របស់ក្រុម Milan មិនត្រូវបានទទួលយកទេ។
