បរទេស៖ ក្រោយពីការចាកចេញរបស់ខ្សែប្រយុទ្ធឆ្នើមកីឡាករ Karim Benzema បច្ចុប្បន្នក្លឹប Real Madrid កំពុងស្វែកខ្សែប្រយុទ្ធទោលម្នាក់ដើម្បីមកជំនួសកន្លែងរបស់ខ្សែប្រយុទ្ធសញ្ជាតិបារាំង ខណៈត្រូវបានគេជឿជាក់ថា Harry Kane អាចជាបេក្ខភាពឈានមុខគេដែលក្លឹប Real Madrid បង្ហាញការចាប់អារម្មណ៍។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

យ៉ាងណាមិញបើយោងទៅតាម The Mirror បានឲ្យដឹងថា Real Madrid គ្រោងនឹងផ្តល់អាទិភាពលើការចុះហត្ថលេខាលើកីឡាករ Mbappe របស់ PSG ជាជាង Kane ដែលជាកីឡាកររបស់ Tottenham Hotspur ក្នុងគោលបំណងឆ្ពោះទៅរកភាពជោគជ័យយូរអង្វែងរបស់ក្លឹប។ របាយការណ៍បានអះអាងថាគ្រូបង្វឹកលោក Carlo Ancelotti កំពុងជំរុញឱ្យនិយោជករបស់គាត់នាំយកកីឡាករដែលស៊ុតបញ្ចូលទីបានច្រើនជាងគេបំផុតរបស់អង់គ្លេសទៅកាន់ប្រទេសអេស្ប៉ាញនៅរដូវក្តៅនេះ ប៉ុន្តែគេជឿថា ឋានានុក្រមរបស់ Madrid គួរតែអត់ធ្មត់ និងធានាបាន Mbappe នៅពេលក្រោយ។