Jack Grealish ត្រៀមបំបែកកំនត់ត្រានៅក្របខណ្ឌ Champions League នៅពេល Manchester City ប៉ះ Inter Milan ក្នុងការប្រកួតវគ្គផ្តាច់ព្រ័ត្រនៅថ្ងៃសៅរ៍នៅកីឡដ្ឋាន Ataturk Olympic Stadium ក្នុងទីក្រុង Istanbul។ក្រុមមេឃខៀវមានមហិច្ឆតាចង់ឈ្នះពានបីជាប្រវត្តិសាស្ត្រក្នុង១រដូវកាល និងក្លាយជាក្រុមអង់គ្លេសដំបូងគេចាប់តាំងពីគូប្រជែងរួមទីក្រុង Man. United ធ្លាប់ធ្វើបានកាលពីរដូវកាល១៩៩៨-១៩៩៩ ដោយលើកពាន Premier League, FA Cup និង Champions League ក្នុងរដូវកាលតែមួយ។
វីដេអូ:
កីឡាករតម្លៃខ្លួន១០០លានផោនដែលចូលរួមជាមួយMan.Cityកាលពីឆ្នាំ២០២១រូបនេះនិងក្លាយជាកីឡាករអង់គ្លេសដំបូងគេដែលឈ្នះពាន៣ ក្នុង ១រដូវកាល។អតីតកាពីតែនក្រុម Aston Villa រកបាន៥គ្រាប់បាល់និង Assist ១១ដង ក្នុងការប្រកួតសរុបចំនួន ៤៩ដងនៅរដូវកាលនេះក្នុងនោះបង្ហាញខ្លួនបាន១២ដង និង Assist ១ដង នៅក្របខ័ណ្ឌ Champions League របស់ Man City ។
សម្រាប់ Erling Braut Haaland សម្លឹងចង់បំបែកកំណត់ត្រាស៊ុតបញ្ចូលទីក្នុងក្របខ័ណ្ឌ Champions League ដែលធ្លាប់ធ្វើបានដោយវីរបុរស Man.Utd លោក Ruud van Nistelrooy ដោយនៅពេលនេះរូបគេតាមស្មើកំនត់ត្រាស៊ុតបញ្ចូលទី១២គ្រាប់ក្នុងមួយរដូវកាល របស់អតីត ខ្សែប្រយុទ្ធហូឡង់រូបនេះហើយ។មួយវិញទៀត Haaland និងអាចក្លាយជាកីឡាករអន្តរជាតិន័រវេលើកដំបូង បន្ទាប់ពីលោក Ole Gunnar Solskjaer ដែលធ្លាប់ស៊ុតបញ្ចូលទីវគ្គផ្តាច់ព្រ័ត្រពេលនៅរដូវកាល១៩៩៨-១៩៩៩ ផងដែរ។
វីដេអូ:
ប្រភព:sportsmole
