ការប្រកួតលីកកំពូលទ្វីបអឺរ៉ុប Champion Legue វគ្គផ្តាច់ព្រ័ត្រនៅវេលាម៉ោង២រំលងអធ្រាតឈានចូលថ្ងៃអាទិត្យទី ១១មិថុនា ស្អែកនេះរវាងក្រុមបញ្ចប់ចំណាត់ថ្នាក់លេខ៣ Inter Milan និង ក្រុមជើងឯក Premier League អង់គ្លេសគឺមេឃខៀវ Man.City នាកីឡាដ្ឋាន Artatuk នាទីក្រុង Istanbul ប្រទេសតួគី។ក្រុមលោក Pep Guardiola សម្លឹងចង់ឈ្នះពានបីក្នុង១រដូវកាល ក្រោយលើកពាន FA Cup និង EPL ហើយវាជាការប្រកួតវគ្គផ្តាច់ព្រ័ត្រ លើកទីពីរ ក្រោយពីពួកគេបានបរាជ័យវគ្គផ្តាច់ព្រ័ត្រក្រោមថ្វីជើង Chelsea កាលពីរដូវកាល ២០២០-២០២១។ទោះយ៉ាងណា Man.City អាចនិងតាមទាន់កំនត់ត្រារបស់ក្រុមMan.Utd ដែលធ្លាប់ធ្វើបាននៅរដូវកាល ១៩៩៨-១៩៩៩ កន្លងទៅដោយលើកពាន៣្នុង១រដូវកាល។Man.City ដែលមិនធ្លាប់ឈ្នះពាន UCL ក្នុងប្រវត្តិសាស្រ្តនោះទេ ប៉ុន្តែការចាញ់តែ១លើក​គត់គ្រប់ក្របខណ្ឌប្រកួត២៦លើកចុងក្រោយ និងនៅលីកកំពូល ទ្វីបអឺរ៉ុបនិងមិនដែលចាញ់សោះ១២ដងចុងក្រោយនៅ UCL។សម្រាប់ម្ចាស់ជើងInter Milan ធ្លាប់ផ្តួលBarcelona ក្រោមការដឹកនាំរបស់លោក Pep Guadiola វគ្គពាក់កណ្តាលផ្តាច់ព្រ័ត្រ និង បានឈ្នះពានបីនៅឆ្នាំ២០១០។ ទោះយ៉ាងណាការប្រកួតផ្តាច់ព្រ័ត្រនេះជាជំនួបលើកដំបូងសម្រាប់គ្រូបង្វឹកអេស្បាញជាមួយក្លឹបអ៊ីតាលី។
សម្រាប់Inter Milan ជាក្រុមដែលមិនអាចមើលស្រាលបានទេ ដោយពួកគេបញ្ចប់រដូវកាលឈរនៅចំណាត់ ថ្នាក់ទី៣ និង បានឈ្នះពាន Copa Italia ២ឆ្នាំចុងក្រោយជាប់ៗគ្នា និង ធ្វើបានCleansheet ៨ដង ក្នុងចំណោមការប្រកួត១២លើកចុងក្រោយ។

១.ជម្រើស១១នាក់ដំបូងសម្រាប់Man.City អាចនិងចូលលេង
Ederson; Walker, Dias, Akanji; Stones, Rodri; Silva, Gundogan, De Bruyne, Grealish; Haaland
(ទម្រង់លេងអាចនិងយកមកប្រើប្រាស់ ៣-៤-២-១)
២.ជម្រើស១១នាក់ដំបូងសម្រាប់Inter Milan អាចនិងចូលលេង
Onana; Darmian, Acerbi, Bastoni; Dumfries, Barella, Mkhitaryan, Calhanoglu, Dimarco; Martinez, Dzeko
(ទម្រង់លេងអាចនិងយកមកប្រើប្រាស់ ៣-៥-២)
៣.Erling Haaland គឺជាកីឡាករឆ្នើមរបស់ Man.City ដែលបំបែកកំណត់ត្រារកបានគ្រាប់បាល់ច្រើនបំផុត នៅរដូវកាលដំបូងគឺ ៣៦គ្រាប់នៅ​ក្របខណ្ឌ EPL និង សរុប៥២គ្រាប់គ្រប់ក្របខណ្ឌប្រកួត។ សម្រាប់ Haaland អាចនិងក្លាយជាកីឡាករន៍័រវេដំបូងក្រោយពី លោក Ole Gunnar Solskjaer ដែលធ្លាប់រកបានគ្រាប់បាល់វគ្គផ្តាច់ព្រ័ត្រកាលពីឆ្នាំ១៩៩៩នៅក្របខណ្ឌ UCL រីឯ Inter Milan គឺគេមានកីឡាករឆ្នើម Lotaro Martinezរកបាន២៨គ្រាប់នៅគ្រប់ក្របខណ្ឌប្រកួត ៥៨លើក និង Assist ១១ដងនៅរដូវកាលនេះ។ជាមួយគ្នានោះដែរEden Dzeko ត្រៀមនិងចូលលេងប្រឈមជាមួយអតីតក្លឹបរបស់ខ្លួន ខណៈ Romelu Lukaku ក៏និងត្រៀមចាប់ដៃគ្នាសម្រាប់ ការប្រកួតនេះផងដែរ។
៤.លទ្ធផលទស្សន៍ទាយសម្រាប់ការប្រកួតគូនេះ គឺ Man.City ៣:១ Inter Milan
ប្រភព:sportsmole&whoscored