(បរទេស)៖ យោងតាមបទសម្ភាសន៍របស់កីឡាករ Lionel Messi បាន​បញ្ជាក់​ថា​គាត់​មាន​គម្រោង​ទៅ​ចូលរួម​ជាមួយ​ក្លឹប Inter Miami របស់លោក David Beckham នៅលីគ MLS បន្ទាប់ពីផុតកុងត្រាជាមួយ Paris Saint-German កាលពីពេលថ្មីៗនេះ។ ទោះបីជាមានការផ្តល់ជូនប្រាក់យ៉ាងច្រើនពីក្លឹបនៅអារ៉ាប៊ីសាអូឌីតក៏ដោយ កីឡាករ Lionel Messi បានបដិសេធនូវសំណើមួយនេះភ្លាមៗ។ ថ្មីនេះក្លឹប Inter Miami បានចុះហត្ថលេខាលើកីឡាករ Lionel Messi ជាផ្លូវការហើយ ដែលក្លឹបផ្តល់ជូនប្រាក់ឈ្នួលចំនួន ៤០ លានដុល្លារក្នុងមួយរដូវកាល។ កីឡាករ Lionel Messi នឹងពាក់អាវលេខ ១០ របស់ខ្លួននៅក្លឹបថ្មីនេះផងដែរ៕