បរទេស៖ ខ្សែប្រយុទ្ធរបស់ក្លឹប Inter milan កីឡាករ Romelu Lukaku ជឿជាក់ថា ខ្សែប្រយុទ្ធឆ្នើមរបស់ក្លឹប ​Manchester City គឺ Erling Haaland និងខ្សែប្រយុទ្ធឆ្នើមរបស់ក្លឹប Paris Saint-Germain កីឡាករ Kylian Mbappe ជាអ្នកបន្តវេនពីខ្សែប្រយុទ្ធឆ្នើមលំដាប់ពិភពលោក Lionel Messi និង Cristiano Ronaldo ក្រោយពីគេប្រកួតប្រជែងគ្នាអស់រយៈពេលជិត១០ឆ្នាំនៅ La Liga ។ លោក Romelu Lukaku បាននិយាយថា៖ «ខ្ញុំគិតថា Erling Haaland និង Kylian Mbappe នឹងគ្រប់គ្រងបាល់ទាត់ពិភពលោកក្នុងរយៈពេល 10 ឆ្នាំខាងមុខ។ ពួកគេជាអ្នក​តស៊ូ​ពី​ជំនាន់​ថ្មី… ពួកគេ​ពិតជា​នឹង​កាន់កាប់​តំណែង​ពី Lionel Messi និង Cristiano Ronaldo ក្នុង​រយៈពេល 2 ឆ្នាំ​ខាងមុខនេះ។»