វីរបុរសក្រុមអធិរាជស Real Madrid លោក Sergio Ramos បានផ្ញើសារដាស់តឿនសម្រាប់ខ្សែខ្សែប្រយុទ្ធកណ្តាល Harry Kane ជុំវិញការផ្ទេរដ៏មានសក្តានុពលរបស់កីឡាករក្រុមមាន់ខ្នាយមាស Tottenham រូបនេះទោកាន់ទឹកដី Santiago Bernabeu មុនពេលរដូវកាលថ្មីចាប់ផ្តើម។Ramos ដែលធ្លាប់ឈ្នះពានធំៗចំនួន១៦ជាមួយ Real Madrid បានផ្តល់ដំបូន្មានដល់ Kane យ៉ាងដូច្នេះថាៈ ខ្ញុំគិតថាគាត់ជាកីឡាករដ៍មានទេពកោ សល្យ ដូច្នេគាត់មិនគួរបដិសេធឪកាសផ្លាស់ទៅលេងអោយពួកគេនោះទេក្នុងដំណាក់កាលនេះ។
កាពីតែនក្រុមជម្រើសជាតិអង់គ្លេសរូបនេះ បានក្លាយជាគោលដៅអាទិភាពសម្រាប់ក្រុមជើងឯកទ្វីបអឺរ៉ុប ១៤សម័យ ក្រោយការចាកចេញរបស់ខ្សែប្រយុទ្ធជើងចាស់់ Karim Benzema ដែលបានសម្រេចចិត្តចាកចេញពីក្លឹបក្រោយកុងត្រារបស់ខ្លួនឈានដល់ទីបញ្ចប់។សម្រាប់ Kane វ័យ ២៩ ឆ្នាំនៅតែបង្ហាញទម្រង់លេងបានល្អដោយរកបាន២៩គ្រាប់ក្នុងការប្រកួតទាំងអស់សម្រាប់ Spurs ក្នុងរដូវកាលនេះ ខណៈក្រុមត្រារបស់ខ្លួននឹងផុតកំណត់នៅរយៈពេល១២ខែចុងក្រោយនេះ។
ទោះយ៉ាងណាប្រធានក្លឹបលោក Daniel Levy មិនមានចេតនាលក់ខ្សែប្រយុទ្ធឆ្នើមរូបនេះនៅក្នុងតម្លៃដែលពួកគេធ្លាប់បដិសេធ Man.City កន្លងមក គឺមិនតិចជាង១០០លានផោននោះឡើយ។
ប្រភព:sportbrief
វីដេអូ Kane ២០២២-២០២៣
