ក្រុមSevilla ដែលបានគ្រងជើងឯកលើកទី៧សម្រាប់ពានរង្វាន់ធំទីពីរនៅអឺរ៉ុប ក្រោយផ្តួល Roma ដោយបាល់កាត់សេចក្តី១១ម៉ែត្រ បន្ទាប់ពីលទ្ធផល ស្មើគ្នា ១ ទល់និង១កាលពីព្រឹកថ្ងៃព្រហស្បត្ត៍នេះ។ ទោះយ៉ាងណាក្រោយពីខកចិត្តបោះមេដៃប្រាក់ទៅអោយប្រិយមិត្តគាំទ្ររួចមក លោក Jose Mourinho គ្រូបង្វឹក Romaនៅតែមិនបានបង្ហាញអារម្មណ៏ ចាញ់ដោយអស់ចិត្តនោះទេ ដោយរូបលោកបានបន្តធ្វើការ រិះគន់លោកអាជ្ញាកណ្តាល Anthony Taylor ទៅដល់ទីចំណតឡានក្រុងនាកីឡាដ្ឋាន Puskas ប្រទេសហុងគ្រីបន្តទៀត។នៅក្នុងវីដេអូរយៈពេល១:០១ ត្រូវបានថតបង្ហោះពីសកម្មភាពរបស់អ្នកចាត់ការសញ្ជាតិ ព័រទុយហ្គាល់រូបនេះ បានដើរ សំដៅទៅរថយន្តរបស់អ្នចកាត់ការមកពីក្របខណ្ឌ Premier League ដោយប្រើពាក្យយ៉ាងខ្លីថាជារឿងគួរអោយអាម៉ាស់ណាស់(Fucking Distrace)។
គួរកត់សម្គាល់ថាអាជ្ញាកណ្តាលសញ្ជាតិអង់គ្លេសលោក Taylor បានធ្វើការសម្រេចចិត្តចំនួន២លើក គឺទី១គឺបន្ទាប់ពី Luis Ocampos បានដួល ដោយសម្រេចចិត្តផ្តល់បាល់ពិន័យ១១ម៉ែត្រដល់ Sevilla ប៉ុន្តែក្រោយពិនិត្យVAR គាត់បានដកការសម្រេចចិត្តនោះ ចេញវិញ។ ទីពីរគឺ មិនបានផ្តល់បាល់ពិន័យ១១ម៉ែត្រ ដល់ Roma ក្រោយបាល់ប៉ះដៃខ្សែបម្រើ Ivan Rakitic។ ផ្ទុយទៅវិញ ការប្រកួតនេះ គឺកីឡាករទាំងពីរក្រុមទទួលបានកាតលឿងសរុបរហូត១៤ឯណោះ។
ប្រភព:sportsbrief
វីដេអូ:
