បរទេស៖ ក្លឹបបិសាចក្រហម Manchester United បានរៀបចំផែនការរបស់ខ្លួនក្នុងការនាំយកខ្សែប្រយុទ្ធថ្មី ដើម្បីជំនួសតំណែងរបស់ Cristiano Ronaldo បន្ទាប់ពីខ្សែប្រយុទ្ធព័រទុយហ្គាល់រូបនេះបានផ្ទេរចេលទៅកាន់ក្លឹប Al-Nassr កាលពីខែមករា។ បច្ចុប្បន្នក្លឹប Manchester United បានសម្លឹងមើលខ្សែប្រយុទ្ធឆ្នើមៗ មួយចំនួនដូចជា Harry kane និង Victor Osimhen របស់ Napoli ។ យ៉ាងណាមិញបច្ចុប្បន្នក្លឹប Man Utd មិនទាន់បង្ហាញពីចេតនាថា ចុះកុងត្រាលើនរណាម្នាក់នៅឡើយទេ ខណៈបច្ចុប្បន្នខែ្សប្រយុទ្ធ Goncalo Ramos ក៏ជាបេក្ខភាពម្នាក់ផងដែរ ដោយកីឡាកររូបនេះមានតម្លៃខ្លួនមិនក្រោម ១០៥លានផោនឡើយ ។ ជាមួយនឹង 18 គ្រាប់ក្នុង 29 ប្រកួតលីកសម្រាប់ Benfica រដូវកាលនេះ Ramos ត្រូវបានគេរាយការណ៍ចង់ចាំផ្តើមអាជីពរបស់ខ្លួនបន្តនៅលីគកំពូលទាំង៥នៅអឺរ៉ុប។
ខ្សែបម្រើឆ្នើមរបស់ក្រុម Bayern Munich គឺ Thomas Muller ត្រូវបានគេរំពឹងថា នឹងចាកចេញពីក្រុម នៅចុងបញ្ចប់រដូវកាល ២០២៤ – ២០២៥ បន្ទាប់ពីការចរចារកុងត្រាថ្មីមិនទទួលបានជោគជ័យ។អត្ថបទកំពុងចាប់អារម្មណ៍៖ លោក Emery និយាយបែបនេះ ទោះបី Rashford ទាត់ចូល២គ្រាប់ក៏ដោយ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Muller ដែលបានចំណាយពេលពេលមួយអាជីពរបស់ខ្លួនជាមួយនឹងក្រុម Bayern តាំងពីឈុតថ្នាលក្នុងឆ្នាំ២០០០ តែងតែជាផ្នែកដ៏សំខាន់ក្នុងក្លឹបយក្សមួយនេះគ្រប់រដូវកាលទាំងអស់។ ទោះបីជាយ៉ាងណាមិញតំណែងរបស់ខ្លួនហាក់បីបានបាត់បង់នៅឆ្នាំ២០២៥នេះ ដោយគាត់បានបង្ហាញខ្លួនត្រឹមតែ២៧ប្រកួតប៉ុណ្ណោះ។ ការសម្រេចចិត្តរបស់ក្លឹបដែលមិនបន្តកុងត្រាថ្មី គឺជាការព្រមព្រៀងពីសំណាក់ភាគគីខាងក្រុមប្រឹក្សាភិបាលរបស់ក្លឹប និងបញ្ហាប្រាក់ឈ្នួលផងដែល ដោយក្លឹបបច្ចុប្បន្នកំពុងមានផែនការក្នុងការកាត់បន្ថយប្រាក់ឈ្នួលរបស់កីឡាករ។ ទោះបីជាមិនបន្តកុងត្រាថ្មីក៏ដោយ ប៉ុន្តែក្រុម Bayern នឹងផ្តល់ជាការគោរពដល់ Muller ក្នុងការចូលរួមចំណែកក្នុងផ្នែកណាមួយរបស់ក្រុមនាពេលអនាគត ដោយការចរចារនឹងធ្វើឡើងក្នុងពេលឆាប់ៗ ខាងមុខនេះ។ Muller បានបង្ហើបអំពីមហិច្ឆតាក្នុងការបន្តអាជីពរបស់ខ្លួនបន្តទៀត ខណៈរូបគេរំពឹងថា នឹងមានសំណើរមកពីក្លឹបនៅសហរដ្ឋអាមេរិក ដោយគាត់បានចេញសេចក្តីប្រកាសថា លោកនឹងមិនលេងឲ្យក្រុមផ្សេងក្នុងក្របខណ្ឌ Bundesliga ជាដាច់ខាត៕
