(បរទេស)៖ ប្រធានក្រុមតោខៀវ Chelsea កីឡាករ Thiago Silva ត្រូវបានក្លឹបអារ៉ាប៊ីសាអូឌីតមិនបញ្ចេញឈ្មោះជាច្រើនបានទាក់ទងមក  នេះបើយោងតាម ​​Football London ដើម្បីផ្លាស់ប្តូរទៅកាន់មជ្ឈឹមបូព៌ា។ ខ្សែការពារសញ្ជាតិប្រេស៊ីលរូបនេះ គឺជាកីឡាករដ៏មានឥទ្ធិពលម្នាក់ក្នុងតំបន់ការពាររបស់ Chelsea ជាមួយនិងបទពិសោធន៍ច្រើននៅលើទីលានប្រកួត។ របាយការណ៍បានបង្ហាញថា Chelsea ចង់រក្សាកីឡាករជើងចាស់ប្រេស៊ីលនៅទីក្រុងឡុងដ៍ ប៉ុន្តែនឹងមិនរារាំងការផ្ទេរទេ ប្រសិនបើការផ្តល់ជូនតម្លៃសមរម្យកដល់ខ្លួន។ លើសពីនេះ ក្លឹបអារ៉ាប៊ីសាអូឌីត ផ្តល់ប្រាក់យ៉ាងច្រើន ដែលអាចទាក់ទាញគាត់ឱ្យចូលរួមជាមួយកំពូលតារាបាល់ទាត់ព័រទុយហ្គាល់កីឡាករ Cristiano Ronaldo ដែលកំពុងលេងនៅក្លឹប Al-Nassr FC និងតារាបាល់ទាត់ផ្សេងៗទៀតនៅអារ៉ាប៊ីសាអូឌីត៕

ប្រភព៖ goal.com