បរទេស៖ បើយោងទៅតាមទំព័រសារព័ត៍មានក្នុងស្រុកឈ្មោះ SportNew បានចុះផ្សាយថា ព្រឹត្តិការណ៍ស៊ីហ្គេមលើកទី៣៣ ដែលនឹងធ្វើឡើងក្នុងប្រទេសថៃ នៅឆ្នាំ២០២៥ខាងមុខនេះ គឺពុំមានភូមិកីឡាដូចទៅនឹងអ្វីដែលកម្ពុជាបានរៀបចំជូនសម្រាប់កីឡាករ និងអតត្តពលិក ដែលបានមកចូលរួមប្រកួតឡើយ ពោលកីឡាករទាំងអស់អស់នោះនឹងត្រូវស្នាក់នៅតាមសណ្ឋានគារ និងបណ្តាល់សាកលវិទ្យាល័យផ្សេងៗក្នុងប្រទេស។ គួរបញ្ជាក់ផងដែរថា កាលពីពេលកន្លងទៅកម្ពុជាមានរៀបចំភូមិកីឡា សម្រាប់អត្តពលិកទាំងអស់ដែលចូលរួមប្រកួត ដោយងាយគឺបានផ្តល់ភាពងាយស្រួលជាខ្លាំងដល់អត្តពលិកក្នុងការហ្វឹកហាត់ និងធ្វើដំណើរទៅការប្រកួតផ្សេងៗ ។
បរទេស៖ ក្លឹបបិសាចក្រហម Manchester United ប្រឈមនឹងបញ្ហាចម្បងលើកិច្ចព្រមព្រៀង Mason Mount ក្រោយក្លឹប Chelsea បានទាមទារក្លឹប Man Utd ចំនួន ៧០លានផោន បើសិនជាពួកគេចង់បានខ្សែបម្រើឆ្នើមជនជាតិអង់គ្លេសរូបនេះ បើទោះបីជាកិច្ចសន្យាបច្ចុប្បន្នគេនៅសល់ត្រឹមតែ១ឆ្នាំទៀតយ៉ាងណាក្តីក៏ដោយ។ យ៉ាងណាមិញស្ថិតនៅតម្លៃនេះក្លឹប Manchester United ទំនងជាមិនចូលពិភាក្សាឡើយ ខណៈគោលដៅរបស់គេបច្ចុប្បន្នមិនមែនជាខ្សែបម្រើឡើយ ដោយខ្សែប្រយុទ្ធទោលគឺគោលដៅដ៏សំខាន់សម្រាប់ពួកគេនាពេលបច្ចុប្បន្ននេះ។អត្ថបទកំពុងចាប់អារម្មណ៍៖ គួរឲ្យគោរព! លោក ស៊ន អេលីត ទទួលយកលទ្ធផលយ៉ាងពេញចិត្ត បើទោះបីកូនសិស្ស លោកទទួលលទ្ធផលមិនសូវល្អក្តី សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
