(ភ្នំពេញ)៖ ព្រឹត្តិការណ៍ប្រកួតស៊ីហ្គេមលើកទី៣២ ដែលរៀបចំឡើងជាលើកដំបូងនៅកម្ពុជា បាននាំឱ្យផ្ទុះនូវការចាប់អារម្មណ៍យ៉ាងខ្លាំងពីមជ្ឈដ្ឋានជាតិ ប្រជាជាតិអាស៊ីអាគ្នេយ៍ និងលើពិភពលោកផងដែរ។
កម្ពុជា ថ្វីដ្បិតថា ទើបរៀបចំព្រឹត្តិការណ៍ប្រកួតកីឡាប្រជាជាតិអាស៊ីអាគ្នេយ៍លើកដំបូង តែបានផ្ចិតផ្ចង់ និងយកចិត្តទុកដាក់យ៉ាងខ្លាំង ដើម្បីឱ្យព្រឹត្តិការណ៍នេះទទួលបានការចាប់អារម្មណ៍ខ្ពស់។ ព្រឹត្តិការណ៍ដែលនាំឱ្យផ្ទុះការចាប់អារម្មណ៍ខ្លាំងនោះ រួមមានកម្មវិធីបើក ដែលជាការរៀបចំកម្រិតពិធីបើកអូឡាំពិក ដែលមិនធ្លាប់មានការរៀបចំពីមុនមក, ពិធីបិទ និងការបដិសណ្ឋារកិច្ចដ៏ល្អប្រសើរជាដើម។
ការរៀបចំដ៏ល្អ អមជាមួយការបដិសណ្ឋារកិច្ចដ៏រួសរាយពីសំណាក់យុវជនស្ម័គ្រចិត្ត បានធ្វើឱ្យការប្រកួតកីឡាស៊ីហ្គេមនៅកម្ពុជា បានគាស់រំលើងឡើងវិញនូវស្មារតីកីឡាអូឡាំពិក គឺស្មារតីមិត្តភាព សាមគ្គីភាព ដោយមិនផ្តោតតែលើរឿងឈ្នះ និងចាញ់នោះឡើយ។ កីឡាករ កីឡាការិនី អត្តពលិក ក្រោយបញ្ចប់ការប្រកួត ពួកគេបានសាងនូវស្នាមញញឹម និងអនុស្សាវរីយ៍ជាមួយគ្នាយ៉ាងច្រើន។
បន្ថែមពីលើនោះ ក្នុងពិធីបិទការប្រកួតកីឡាប្រជាជាតិអាស៊ីអាគ្នេយ៍នៅថ្ងៃទី១៧ ខែឧសភា ទទួលបានការចាប់អារម្មណ៍ពីស្ថានីយទូរទស្សន៍ «Channel NewsAsia» របស់ប្រទេសសិង្ហបុរី ដែលជាបណ្តាញផ្សព្វផ្សាយដ៏ល្បីមួយក្នុងតំបន់។ ស្ថានីយទូរទស្សន៍នេះ បានផ្សាយបន្តផ្ទាល់នូវទិដ្ឋភាពទាំងស្រុងនៃពិធីបិទនេះ។
តាមរយៈការផ្សាយផ្ទាល់នេះ គេបានសង្កេតឃើញមានការចូលទស្សនាយ៉ាងច្រើនពីប្រជាពលរដ្ឋនៃប្រទេសអាស៊ីអាគ្នេយ៍។ ជាមួយការចូលទស្សនាពួកគេក៏បានបញ្ចេញមតិយោបល់យ៉ាងច្រើន។ ភាគច្រើននៃមតិយោបល់របស់ពួកគេ គឺបានស្ញប់ស្ញែងចំពោះការរៀបចំរបស់កម្ពុជា ដែលមានភាពអស្ចារ្យ ហើយពួកគេក៏បានអរគុណកម្ពុជាសម្រាប់ការផ្តល់ជូនទាំងឡាយផងដែរ៕
Barcelona បន្តទម្រង់ដ៏អស្ចារ្យទល់នឹងក្រុម Girona ក្នុងជ័យជម្នះ ៤-១ នឹងបន្តកម្លាត៣ពិន្ទុនៅលើតារាង La Liga ។អត្ថបទកំពុងចាប់អារម្មណ៍៖ ខ្ញីកាន់តែចាស់ កាន់តែហិល! Lewandowski បន្តបង្ហាញភាពអស្ចរ្យរបស់ខ្លួនឲ្យ Barca (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស កីឡាករ Robert Lewandowski បន្តភាពខ្លាំងរបស់ខ្លួនដោយអាចរកបាន ៣ពិន្ទ ខណៈ Yamal និង Ferran Torres រកបានម្នាក់មួយគ្រាប់។ ជាមួយនឹងជ័យជម្នះដ៏ធំមួយនេះ និងធ្វើឲ្យក្រុម Barca បន្តក្តីស្រមៃឈ្នះពានរង្វាន់លីគរដូវកាលនេះ ដោយបានដាក់សម្ពាធដល់ក្រុម Real Madrid ដែលកំពុងស្ថិតនៅលេខ២៕
