បច្ចុប្បន្នភាពស៊ីហ្គេម២០២៣៖ នៅវេលាម៉ោង ៣រសៀល ថ្ងៃទី១៦ ខែឧសភា ឆ្នាំ២០២៣នេះ ក្រុមបាល់បោះបុរស របស់កម្ពុជា ត្រូវប៉ះក្រុមហ្វីលីពីន កម្រិតប្រកួត ៥ទល់៥ ដើម្បីដណ្តើមមេដាយមាស ខណៈក្រុមឥណ្ឌូនេស៉ី ត្រូវប៉ះក្រុមថៃ ដើម្បីដណ្តើមមេដាយសំរឹទ្ធ នៅម៉ោង ១រសៀល នៅទីតាំងបាល់បោះ នៃពហុកីឡដ្ឋានជាតិមរតកតេជោ នៃព្រឹត្តិការណ៍កីឡាស៊ីហ្គេម២០២៣។
រំលឹកផងថា ការប្រកួតកាលពីម្សិលមិញនេះ ក្រុមកម្ពុជា បានយកឈ្នះថៃ ដោយលទ្ធផល ៧៦ទល់៦៦ នៅវគ្គពាក់កណ្តាលផ្តាច់ព្រ័ត្រ ខណៈក្រុមឥណ្ឌូនេស៊ី បានចាញ់ហ្វីលីពីន លទ្ធផល ៧៦ទល់៨៤ ហើយការប្រកួតបានធ្វើឡើងនៅទីតាំងបាល់បោះ នៃពហុកីឡដ្ឋានជាតិមរតកតេជោដដែល។ សម្រាប់អ្នកចូលទស្សនា សូមទៅយកសំបុត្រមុនការប្រកួតនៅច្រកចូល ខណៈសំបុត្រចូលទស្សនាមានចំនួនកំណត់៕
បរទេស៖ ក្លឹបអធិរាជស Real Madrid ត្រូវបានគេរាយការណ៍ថាបានធ្វើការទាក់ទងជុំវិញការផ្លាស់ប្តូរមួយសម្រាប់កីឡាករស្លាបឆ្វេងគឺកីឡាករ Alphonso Davies ដែលលេងនៅក្លឹបយក្សនៅអាល្លឺម៉ង់ Bayern Munich។ ជាមួយគ្នានេះដែរកីឡាករ Karim Benzema, Marco Asensio, Eden Hazard និង Mariano Diaz ពួកគេនឹងចាកចេញពីក្លឹប Real Madrid នៅរដូវក្តៅនេះ។ ទោះជាយ៉ាងណាក៏ដោយ Real Madrid ក៏ប្រហែលជាត្រូវការជ្រើសរើសខ្សែការពារស្លាបឆ្វេងថ្មីមកជំនួសផងដែរ ចំពេលមានភាពមិនច្បាស់លាស់ជុំវិញអនាគតរបស់កីឡាករ Ferland Mendy និង Nacho Fernandez ។ កីឡាករ Mendy បានជួបបញ្ហារបួសស្ទើពេញមួយរដូវកាល ២០២២-២០២៣ ហើយអាចនឹងផ្លាស់ប្តូរទៅក្លឹបផ្សេង នៅរដូវក្តៅនេះ ខណៈដែលកីឡាករ Nacho វិញនឹងផុតកុងត្រានៅចុងខែនេះ៕អត្ថបទកំពុងចាប់អារម្មណ៍៖ Beckham ជឿថាទោះបី Man City អាចឈ្នះ Treble ប៉ុន្តែនៅតែមិនអស្ចារ្យដូច Man Utd សូម Subscribe […]
