បច្ចុប្បន្នភាពស៊ីហ្គេម៖ ថ្មីៗមាននូវរឿងរ៉ាវដ៏ខកចិត្តមួយពីសំណាក់បងប្អូនប្រុសដែលជាអ្នករត់កង់បី ដោយដើមឡើយគឺ ក្រុមការងារថតមួយជនជាតិហ្វីលីពីនបានហៅកង់បីគាត់ជិះ រត់ពេលដល់ទីតាំង គាត់ក៏បានភ្លេចកាំមេរ៉ានៅលើកង់បីនោះ ខណៈពូកង់បីគឺមិនបានទាក់ទងទៅកាន់ម្ចាស់ដើម្បីប្រគល់កាំមេរ៉ាជូនគេវិញឡើយ ដោយគាត់បែរលួចយកកាំមេរ៉ានោះទៅលក់នៅហាងលក់កាំមេរ៉ាមួយទៅវិញ ក្នុងតម្លៃ ៤០០ ដុល្លា ។ យ៉ាងណាមិញក្រោយពីមានការជួយប្រកាសពីបណ្តាផ្សេងនានា ក៏បានលឺដល់ម្ចាស់ហៅ ដែលបានទទួលទិញកាំមេរ៉ានោះ ហើយគាត់ក៏បានសម្រេចប្រគល់ជូនម្ចាស់ដើមវិញដោយមិនយកកម្រៃពីគាត់សម្បីតែមួយរៀល ។

ក្រោយមានហេតុការណ៍ម្ចាស់កាំមេរ៉ាដែលមានគណនីហ្វេសប៊ុកឈ្មោះ Mia Montayre បានសរសេរនូវអារម្មណ៍របស់គាត់យ៉ាងច្រើន និងស្នើសុំឲ្យប្រជាជនកម្ពុជាឈប់វាយប្រហារលើគាត់បន្តទៀត ដោយសារតែគាត់មានបញ្ហារបួសជើងធ្ងន់ធ្ងរ និងជីវភាពខ្វះខាតខ្លាំង ដោយក្នុងអត្ថបទគឺនឹងសង្ខេបយកត្រឹមតែខ្លីប៉ុណ្ណោះ៖ «ខ្ញុំបានប្រាកដណាស់ថាខ្ញុំ នឹងមិនត្រលប់មកកម្ពុជាវិញទេ បន្ទាប់ពីជួបនឹងការឈឺចាប់នៃការបាត់របស់ថ្លៃបែបនេះ ប៉ុន្តែពេលនេះខ្ញុំមានអារម្មណ៍ថា ខ្ញុំត្រូវតែត្រលប់មកទីនេះវិញនៅថ្ងៃណាមួយ ដើម្បីជាការតបស្នង និងបង្ហាញពីការដឹងគុណរបស់ខ្ញុំចំពោះសេចក្តីសប្បុរសដែលមិនធ្លាប់មានពីមុនមករបស់ប្រជាជនខ្មែរចំពោះខ្ញុំ។ ជាថ្មីម្តងទៀត សូមអរគុណ!!! PS: ខ្ញុំដឹងថាអ្នកបើកម៉ូតូកង់បីបានធ្វើខុសចំពោះខ្ញុំ និងមុខមាត់របស់ប្រទេសកម្ពុជា ជាពិសេសចំពោះអ្នកទស្សនា ប៉ុន្តែឥឡូវនេះខ្ញុំយល់ថាគាត់អស់សង្ឃឹមដោយសារតែជើងរបស់គាត់ដែលមានការឆ្លងមេរោគធ្ងន់ធ្ងរ។ ខ្ញុំបានលឺថាមនុស្សនៅតែបន្តធ្វើបាបគាត់តាមអនឡាញ ដែលខ្ញុំសង្ឃឹមថា នឹងឈប់ ជាពិសេសចាប់តាំងពីគាត់បានសន្យាជាមួយប៉ូលីសរួចហើយ និងចំពោះខ្ញុំផ្ទាល់ថាគាត់នឹងមិនធ្វើកំហុសនេះម្តងទៀតទេ។ ខ្ញុំ​សូម​បួងសួង​ឱ្យ​ស្ថានភាព​សុខភាព​គាត់​បាន​ប្រសើរ​ឡើង ហើយ​សង្ឃឹម​ថា​ប្រជាពលរដ្ឋ​នឹង​អាណិត និង​ជួយ​គាត់។