កម្ពុជា៖ ឧបនាយករដ្ឋមន្ត្រី ហោ ណាំហុង បានផ្តល់ប្រាក់រង្វាន់ជូនកីឡាករ ស៊ិន សុវណ្ណមករា ចំនួន១មុឺនដុល្លា បន្ទាប់ពីរូបគេទាត់បញ្ចូលទីបានមួយគ្រាប់ ទល់នឹងក្រុម ឥណ្ឌូនេស៊ី ខណៈការប្រកួតបញ្ចប់ទៅដោយកម្ពុជាបរាជ័យដោយលទ្ធផល ២-១ ។ យ៉ាងណាមិញក្រោយទទួលប្រាក់ឧត្ថម្ភកីឡាករ ស៊ិន សុវណ្ណមករា គឺមិនភ្លេចមិត្តរួមក្រុមឡើយ ដោយប្រាក់ទាំងអស់នោះគឺនឹងត្រូវចែកគ្នាទាំងអស់នៅក្នុងក្រុមទាំងមូល នេះបើតាមការបញ្ជាក់លើទំព័រហ្វេសប៊ុករបស់គាត់ផ្ទាល់ ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
«ខ្ញុំបាទស៊ិន សុវណ្ណមករា សូមថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តមឧបនាយករដ្ឋមន្រ្តី ហោ ណាំហុង ដែលបានធ្វើការឧបត្ថម្ភទឹកប្រាក់ចំនួន 10000$ (មួយម៉ឺនដុល្លា សហរដ្ថអាមេរិក) ជូនចំពោះខ្ញុំបាទ ស៊ិនសុវណ្ណមករា ហើយខ្ញុំបាទសុំយកទឹកប្រាក់ឧបត្ថម្ភ ចំនួន 10000$ (មួយម៉ឺនដុល្លា សហរដ្ថអាមេរិក)នេះ មកធ្វើជាទឹកប្រាក់ឧបត្ថម្ភជូនទៅដល់ក្រុមជំរើសជាតិកម្ពុជាទាំងមូល ជាចុងក្រោយខ្ញុំបាទស៊ិន សុវណ្ណមករា សូមលំអោនកាយគោរពជូនពរ ឯកឧត្តមឧបនាយករដ្ឋមន្រ្តី ហោ ណាំហុង អោយជួបប្រទះតែពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ»
