បច្ចុប្បន្នភាពស៊ីហ្គេមៈ ចូលរួមអបអរសាទរដល់ក្រុមជម្រើសជាតិបាល់ទះកម្ពុជាដែលបានឈ្នះមេដាយប្រាក់ ក្រោយបរាជ័យក្រោមជើងខ្លាំងទ្វីបអាស៊ី ឥណ្ឌូនេស៊ី នៅវគ្គផ្តាច់ព្រ័ត្រ Sea Game 2023 ក្នុងពហុកីឡដ្ឋានជាតិអូឡាំពិក នៃព្រះរាជាណាចក្រកម្ពុជា ។ ក្រោយចប់ការប្រកួត ប្រធានក្រុមជម្រើសជាតិកីឡាករ សួន​ ចាន់ណារ៉ូ បាននិយាយថ៖ «កាលពីឆ្នាំ២០១៧ ខ្ញុំបានទៅលេងសុីហ្គេមលើកដំបូង ពេលនោះ ប្រទេសផ្សេងមើលស្រាលកម្ពុជាណាស់ គេច​ង់ចាប់ឆ្នោតប៉ះកម្ពុជា ព្រោះកម្ពុជាងាយស្រួលក្នុងការយកឈ្នះ។ ចាប់ពីពេលនោះមក ខ្ញុំប្តេជ្ញាចិត្តថា ថ្ងៃណាមួយ ខ្ញុំនឹងខិតខំជួយឲ្យបាល់ទះកម្ពុជា ក្លាយជាក្រុមខ្លាំងមួយនៅក្នុងតំបន់អាស៊ាន»។

គួរបញ្ជាក់ផងដែរថា ការប្រកួតយប់​មិញនេះវាជាការប្រកួតចុងក្រោយសម្រាប់ សួន ចាន់ណារ៉ូ ដោយគាត់បានប្រកាសចូលនិវត្តន៍ជាផ្លូវការណ៍ ដើម្បីផ្តល់ឪកាសដល់ក្មេងៗ ជំនាន់ក្រោយបន្តទៀត ។